من فيلم دماء على الأسفلت
د. سناء نور الحسن: الملف أهو يا بابا، جيبتهولك. بص فيه، شوف إذا كان ناقص منه حاجة.
كامل نور الحسن: ملف إيه يا ابني؟! ياريته فضل ضايع، وفضلوا هما زي ما كانوا!

من فيلم ليلة ساخنة
حورية: وهو الولد كده يا قلبي؟!
سيد: حكمة ربنا..
حورية: مالوش علاج؟
سيد: بيقولوا فيه مراكز في أمريكا وفي أوروبا، بيعملولهم تدريبات وعلاج نفسي.. بس مين يقدر عليها.. كل برغوت على أد دَمّه.. بس أنا مدخله مدرسة، ربنا يقدرني على مصاريفها..
حورية: ده نعمة.. عَيِّل زي ده يباركلك في بيتك وعافيتك.. وتخش الجنة على إيده..
سيد: أنا كمان روحي فيه من يوم أمه ما ماتت.. بقيت كل أهله.. وهو كل دُنيتي..
حورية: كنت بتحب أمه زي ما بتحبه كده؟
سيد: حُب إيه؟! الله لا يسيئك.. إحنا لينا فيه ولا نقدر عليه؟!
حورية: يعني اتجوزتها كده أورديحي؟!
سيد: كات سانداني.. بتتحامى فيَّ م الدنيا..
حورية: برضه القلب وما يريد.. هو ده اللي بيخلي الدنيا تِحلوّ في عينينا مهما كانت..

من فيلم ليلة ساخنة
حورية: سَهَّاني وتاه مني..
سيد: المهم أنك لقيتيه..

من فيلم غريب.. في بيتي
شحاتة: روح يا أشرف العب مع الأسد.

من فيلم ليلة ساخنة
حورية: سيد..
سيد: نعم؟
حورية: ملعون أبو فلوس الدنيا.. بوسني.

من فيلم غريب.. في بيتي
شحاتة لعفاف: من فضلِك، بدون عصبية.