من فيلم غريب.. في بيتي
عفاف: استنى عندك! اتفضَّل ع الأوضة دي. يكون في عِلمك، مفيش أي كلام بيني وبينك! أنت فاهم؟ فاهم؟ فاهم؟!
شحاتة: حاضر، حاضر، حاضر.

من فيلم ليلة ساخنة
سيد: ما تيجي ننيِّم الواد حمادة..

من فيلم غريب.. في بيتي
كابتن علي: إياك وتلات حاجات: السهر والسجاير والخمرة.
شحاتة: بيني وبينهم ربنا.
كابتن علي: وحذاري من تلات حاجات: الإهمال، والغرور، والنسوان.
شحاتة: أعوذ بالله! احفظنا يا رب.

من فيلم حدوتة مصرية
يحيى: قدر! يعني اللي فينا، فينا.
مهدي: لأ، مصير، ممكن يتلوي، نعجنه.
يحيى: مصيرنا نيجي ألف كيلو وننضرب.
مهدي: أنت تقع م السطح مايحصلكش خدشة، ده قدر. لكن إحنا اخترنا نيجي هنا، ده الفرق: التجربة بتحدد المصير. هما هنا اختاروا الاستقلال: "إرادة"، و"مصير".. أنهي مليون ماتوا، ده قدر.

من فيلم ليلة ساخنة
حورية: وهو الولد كده يا قلبي؟!
سيد: حكمة ربنا..
حورية: مالوش علاج؟
سيد: بيقولوا فيه مراكز في أمريكا وفي أوروبا، بيعملولهم تدريبات وعلاج نفسي.. بس مين يقدر عليها.. كل برغوت على أد دَمّه.. بس أنا مدخله مدرسة، ربنا يقدرني على مصاريفها..
حورية: ده نعمة.. عَيِّل زي ده يباركلك في بيتك وعافيتك.. وتخش الجنة على إيده..
سيد: أنا كمان روحي فيه من يوم أمه ما ماتت.. بقيت كل أهله.. وهو كل دُنيتي..
حورية: كنت بتحب أمه زي ما بتحبه كده؟
سيد: حُب إيه؟! الله لا يسيئك.. إحنا لينا فيه ولا نقدر عليه؟!
حورية: يعني اتجوزتها كده أورديحي؟!
سيد: كات سانداني.. بتتحامى فيَّ م الدنيا..
حورية: برضه القلب وما يريد.. هو ده اللي بيخلي الدنيا تِحلوّ في عينينا مهما كانت..

من فيلم حدوتة مصرية
آمال: فضلت أحلم أنك تتغيَّر.
يحيى: الواحد مش عارف يبطَّل سيجارة، حايقدر يغيَّر عُقده وماضيه؟!