زينات صدقي - الدهليز - قاعدة بيانات السينما المصرية والفنانين

زينات صدقي

Zinat Sedqy

تقييم الموقع

عن الفنان

الاسم الأصلي:

زينب محمد سعد صدقي

تاريخ ومكان الميلاد:

04/05/1913 - حي الجمرك، الإسكندرية، مصر

تاريخ ومكان الوفاة:

02/03/1978 - القاهرة، مصر (64 عامًا)

سنوات العمل السينمائي:*

1936 - 1975

الدراسة:

* معهد أنصار التمثيل والخيالة (لم تكمل الدراسة).

* بحسب البيانات المتوفرة لدى الدهليز

منوعات (4)

بدأت حياتها الفنية كمنولوجيست وراقصة.

هربت من أسرتها بعد اعتراضها على عملها في مجال الفن، وذلك إلى الشام مع صديقتها خيرية صدقي.

ضمَّها نجيب الريحاني إلى فرقته بعدما التقاها، وأعطاها اسم "زينات"، لعدم تكرار الاسم مع الفنانة زينب صدقي.

عملت مع الفنان إسماعيل ياسين في عدة أعمال.

أقوال (28)

حسنات: يا أرض احفظي ما عليكي. يا سما مطَّري كازوزة.

حسنات: مفيش رحمة؟! مفيش شفقة؟!
نمر: مفيش شاويش؟!

حسنات: أنت مش عايز تحبني ليه؟!
نمر: مالياش نِفس.

حسنات: دول اللي قبلنا قالوا: "إن حبتك حية اتطوَّق بيها".
نمر: أيوة، بس حية عن حية تفترق.. ده أنتي لدعِتِك والقبر!

حسنات: أنت قاسي، جبار.. إن العذراى قلوبهنَّ هواءُ.

حسنات: آه! اتهزأت يا پاپّا.. أنا ماقدرش أعيش بعد كده يا بابا.. أنا حانتحر، أنا حاشرب فليت.

عزيزة: وارمة يا حميدة؟
حميدة: دي مفرهدة خالص يا عزيزة.

عزيزة: ولدين يا أمة ضربونا وسرقوا السمك مننا.
حميدة: لا لا لأ يا أمه، ولد واحد هو اللي ضرب، والتاني اللي سرق وبس.

حميدة: يعنى إيه؟ يعنى هافضل طول عمري عايشة لوحدي؟! وحيد ولهان، شريد حيران، أبكي وأنوَّح على هوايا، وأضحي قلبى في يوم في يوم في يوم هنايا؟!

تفيدة لحميدة: بنتي حبيبتي! عذراء الربيع!

ياسمينة: الحقيني يا ماما.
أم ياسمينة: يا ألف نهار مبروك، يا ألف نهار أبيض. أهو أنا دلوقتي اتطمنت، قلبي انشرح.
فريد: قلبك إنشرح ليه؟!
أم ياسمينة: من خناقكوا سوا.. الست وجوزها لما يتخانقوا مع بعض، معناها بيحبوا بعض، بيموتوا في بعض. ربنا يزيدكوا خناق.. ربنا يزيدكوا عكننة.

أم ياسمينة: ولا يهمك، ماتتقهريش. الرجالة أكتر م الهمّ ع القلب.

دليلة: (للببغاء) الله يغلِّبَك يا بعيد! يا خسارة تربيتي فيك السنين دي كلها؟!

دليلة: (للببغاء) الله يخليك، وينصرك على مين يعاديك.

دليلة لأحمد: النبي يحفظك ويصونك.

دليلة: أقولك بالحق أنا اتخضيت، حاكم أنا أخاف م الظباط أوي.
أحمد: ليه بقى؟!
دليلة: بالوراثة يا سيدي.

دليلة: (للببغاء) الله يفضحك يا بعيد، جاتك قطع لسانك!

دليلة لعايدة: آدي جزاتي! ماينوب المخلَّص إلَّا تقطيع هدومه! خليكي لما أشوف آخرة المقاوحة دي إيه!

دليلة لعايدة: قال يا داخل بين البصلة وقشرتها، ما ينوبك إلا صَنِّتها!

دليلة: عشت وحاشوف رئيس وزارة وولاده شكلهم إيه.. تعرفي يا ستي، أنا بيتهيّألي أنهم بيشربوا بدل المياه كلونيا. وبيحطوا ع الفتة بدل التقلية فزدق.

عايدة: (عن أحمد) بس لو كان إداني فرصة عشان أشرحله.. بدال ما يعذِّبني ويعذِّب نفسه من غير سبب..
دليلة: أنا برضه لو كنت راجل كنت عملت أكتر من كده. ده الواد "صدمة" أيَّام ما كان بيحبني شافني باطبطب على كلب -مش بارقص معاه-، هرى جتتي م الضرب.

دليلة: يا اخواتي، أنا بس ذنبي إيه عشان أروح مصر في عز الأيَّالة! مش كفاية حرارة الحب؟! ده احنا حانولَّع!

دليلة لعايدة: (عن ترك الإسكندرية) أيوة! برِّدي نارك إنتي وسيبيني أنا أتكوي! إنما لحقت حتة في جتتي تقشَّر! كيل دوماج (quelle dommage).

دليلة لعايدة: صنف الرجالة كده نمرود، طول ما انتي بتعبَّريه يتقل ويتبغدِد!

جدة عايدة وعلي: عايدة.. أنا عايزة أقول لك كلمتين، تخليهم دايمًا قدام عينيكي.. ماتطلبيش م الدنيا كتير، دي من طبعها الغدر يا بنتي.. استني لما هيَّ تدِّيكي، واللي تاخديه منها، إرضي بيه.. وابتسيميلها دايمًا، عشان تنتصري عليها، ولا تفرحشي وتشمت فيكي.
دليلة: هو إيه ياختي ده؟! إحنا في جامع ولّا في كنيسة؟! ماكفاية وعظ وإرشاد! أنتوا قلبتوها دراما كده ليه؟!

دليلة: (وهي تفتح الباب) مسيو علي؟ Entrer، s'il vous plaît. والنبي واحشني very much.. خطوة عزيزة يا Excellence.. يا tres jolie.

دليلة لعلي: حتى "كوكو" لسانه اتلوى! "أبوك السقا مات" بيقولهالي: Your father the water man died!

من أصدقاء توتو: Delilah، 2 ويسكي صودا في التراس.. قوام يا Delilah.
دليلة: إيه! ديلايلتك سودا! ديلايلا يعني إيه سي فايق بك؟
فايق: حبيبة شمشمون يا دليلة.
دليلة: يا ريت! وأنا كنت خليته هدها فوق دماغهم.

تمثيل أفلام (144)