من فيلم إني راحلة
دليلة: (للببغاء) الله يخليك، وينصرك على مين يعاديك.

من فيلم إني راحلة
عايدة: (عن أحمد) بس لو كان إداني فرصة عشان أشرحله.. بدال ما يعذِّبني ويعذِّب نفسه من غير سبب..
دليلة: أنا برضه لو كنت راجل كنت عملت أكتر من كده. ده الواد "صدمة" أيَّام ما كان بيحبني شافني باطبطب على كلب -مش بارقص معاه-، هرى جتتي م الضرب.

من فيلم إني راحلة
دليلة لعلي: حتى "كوكو" لسانه اتلوى! "أبوك السقا مات" بيقولهالي: Your father the water man died!

من فيلم أنت حبيبي
أم ياسمينة: ولا يهمك، ماتتقهريش. الرجالة أكتر م الهمّ ع القلب.

من فيلم أنت حبيبي
ياسمينة: الحقيني يا ماما.
أم ياسمينة: يا ألف نهار مبروك، يا ألف نهار أبيض. أهو أنا دلوقتي اتطمنت، قلبي انشرح.
فريد: قلبك إنشرح ليه؟!
أم ياسمينة: من خناقكوا سوا.. الست وجوزها لما يتخانقوا مع بعض، معناها بيحبوا بعض، بيموتوا في بعض. ربنا يزيدكوا خناق.. ربنا يزيدكوا عكننة.

من فيلم إسماعيل يس طرزان
حسنات: أنت قاسي، جبار.. إن العذراى قلوبهنَّ هواءُ.