من فيلم إسماعيل يس طرزان
حسنات: أنت مش عايز تحبني ليه؟!
نمر: مالياش نِفس.

من فيلم ابن حميدو
تفيدة لحميدة: بنتي حبيبتي! عذراء الربيع!

من فيلم إني راحلة
من أصدقاء توتو: Delilah، 2 ويسكي صودا في التراس.. قوام يا Delilah.
دليلة: إيه! ديلايلتك سودا! ديلايلا يعني إيه سي فايق بك؟
فايق: حبيبة شمشمون يا دليلة.
دليلة: يا ريت! وأنا كنت خليته هدها فوق دماغهم.

من فيلم إسماعيل يس طرزان
حسنات: يا أرض احفظي ما عليكي. يا سما مطَّري كازوزة.

من فيلم إني راحلة
جدة عايدة وعلي: عايدة.. أنا عايزة أقول لك كلمتين، تخليهم دايمًا قدام عينيكي.. ماتطلبيش م الدنيا كتير، دي من طبعها الغدر يا بنتي.. استني لما هيَّ تدِّيكي، واللي تاخديه منها، إرضي بيه.. وابتسيميلها دايمًا، عشان تنتصري عليها، ولا تفرحشي وتشمت فيكي.
دليلة: هو إيه ياختي ده؟! إحنا في جامع ولّا في كنيسة؟! ماكفاية وعظ وإرشاد! أنتوا قلبتوها دراما كده ليه؟!

من فيلم إسماعيل يس طرزان
حسنات: دول اللي قبلنا قالوا: "إن حبتك حية اتطوَّق بيها".
نمر: أيوة، بس حية عن حية تفترق.. ده أنتي لدعِتِك والقبر!