من فيلم إني راحلة
من أصدقاء توتو: Delilah، 2 ويسكي صودا في التراس.. قوام يا Delilah.
دليلة: إيه! ديلايلتك سودا! ديلايلا يعني إيه سي فايق بك؟
فايق: حبيبة شمشمون يا دليلة.
دليلة: يا ريت! وأنا كنت خليته هدها فوق دماغهم.

من فيلم إني راحلة
عايدة: (عن أحمد) بس لو كان إداني فرصة عشان أشرحله.. بدال ما يعذِّبني ويعذِّب نفسه من غير سبب..
دليلة: أنا برضه لو كنت راجل كنت عملت أكتر من كده. ده الواد "صدمة" أيَّام ما كان بيحبني شافني باطبطب على كلب -مش بارقص معاه-، هرى جتتي م الضرب.

من فيلم إني راحلة
دليلة لعايدة: (عن ترك الإسكندرية) أيوة! برِّدي نارك إنتي وسيبيني أنا أتكوي! إنما لحقت حتة في جتتي تقشَّر! كيل دوماج (quelle dommage).

من فيلم إسماعيل يس طرزان
حسنات: آه! اتهزأت يا پاپّا.. أنا ماقدرش أعيش بعد كده يا بابا.. أنا حانتحر، أنا حاشرب فليت.

من فيلم أنت حبيبي
أم ياسمينة: ولا يهمك، ماتتقهريش. الرجالة أكتر م الهمّ ع القلب.

من فيلم ابن حميدو
حميدة: يعنى إيه؟ يعنى هافضل طول عمري عايشة لوحدي؟! وحيد ولهان، شريد حيران، أبكي وأنوَّح على هوايا، وأضحي قلبى في يوم في يوم في يوم هنايا؟!

من فيلم إني راحلة
دليلة لعلي: حتى "كوكو" لسانه اتلوى! "أبوك السقا مات" بيقولهالي: Your father the water man died!