من فيلم إني راحلة
من أصدقاء توتو: Delilah، 2 ويسكي صودا في التراس.. قوام يا Delilah.
دليلة: إيه! ديلايلتك سودا! ديلايلا يعني إيه سي فايق بك؟
فايق: حبيبة شمشمون يا دليلة.
دليلة: يا ريت! وأنا كنت خليته هدها فوق دماغهم.

من فيلم إني راحلة
جدة عايدة وعلي: عايدة.. أنا عايزة أقول لك كلمتين، تخليهم دايمًا قدام عينيكي.. ماتطلبيش م الدنيا كتير، دي من طبعها الغدر يا بنتي.. استني لما هيَّ تدِّيكي، واللي تاخديه منها، إرضي بيه.. وابتسيميلها دايمًا، عشان تنتصري عليها، ولا تفرحشي وتشمت فيكي.
دليلة: هو إيه ياختي ده؟! إحنا في جامع ولّا في كنيسة؟! ماكفاية وعظ وإرشاد! أنتوا قلبتوها دراما كده ليه؟!

من فيلم إني راحلة
دليلة: عشت وحاشوف رئيس وزارة وولاده شكلهم إيه.. تعرفي يا ستي، أنا بيتهيّألي أنهم بيشربوا بدل المياه كلونيا. وبيحطوا ع الفتة بدل التقلية فزدق.

من فيلم إني راحلة
دليلة: يا اخواتي، أنا بس ذنبي إيه عشان أروح مصر في عز الأيَّالة! مش كفاية حرارة الحب؟! ده احنا حانولَّع!

من فيلم إني راحلة
دليلة: (وهي تفتح الباب) مسيو علي؟ Entrer، s'il vous plaît. والنبي واحشني very much.. خطوة عزيزة يا Excellence.. يا tres jolie.

من فيلم أنت حبيبي
ياسمينة: الحقيني يا ماما.
أم ياسمينة: يا ألف نهار مبروك، يا ألف نهار أبيض. أهو أنا دلوقتي اتطمنت، قلبي انشرح.
فريد: قلبك إنشرح ليه؟!
أم ياسمينة: من خناقكوا سوا.. الست وجوزها لما يتخانقوا مع بعض، معناها بيحبوا بعض، بيموتوا في بعض. ربنا يزيدكوا خناق.. ربنا يزيدكوا عكننة.

من فيلم ابن حميدو
عزيزة: ولدين يا أمة ضربونا وسرقوا السمك مننا.
حميدة: لا لا لأ يا أمه، ولد واحد هو اللي ضرب، والتاني اللي سرق وبس.