دليلة

من فيلم إني راحلة
دليلة: أقولك بالحق أنا اتخضيت، حاكم أنا أخاف م الظباط أوي.
أحمد: ليه بقى؟!
دليلة: بالوراثة يا سيدي.

من فيلم إني راحلة
دليلة: (للببغاء) الله يفضحك يا بعيد، جاتك قطع لسانك!

من فيلم إني راحلة
دليلة لعايدة: آدي جزاتي! ماينوب المخلَّص إلَّا تقطيع هدومه! خليكي لما أشوف آخرة المقاوحة دي إيه!

من فيلم إني راحلة
دليلة لعايدة: قال يا داخل بين البصلة وقشرتها، ما ينوبك إلا صَنِّتها!

من فيلم إني راحلة
دليلة: عشت وحاشوف رئيس وزارة وولاده شكلهم إيه.. تعرفي يا ستي، أنا بيتهيّألي أنهم بيشربوا بدل المياه كلونيا. وبيحطوا ع الفتة بدل التقلية فزدق.

من فيلم إني راحلة
عايدة: (عن أحمد) بس لو كان إداني فرصة عشان أشرحله.. بدال ما يعذِّبني ويعذِّب نفسه من غير سبب..
دليلة: أنا برضه لو كنت راجل كنت عملت أكتر من كده. ده الواد "صدمة" أيَّام ما كان بيحبني شافني باطبطب على كلب -مش بارقص معاه-، هرى جتتي م الضرب.

من فيلم إني راحلة
دليلة: يا اخواتي، أنا بس ذنبي إيه عشان أروح مصر في عز الأيَّالة! مش كفاية حرارة الحب؟! ده احنا حانولَّع!

من فيلم إني راحلة
دليلة لعايدة: (عن ترك الإسكندرية) أيوة! برِّدي نارك إنتي وسيبيني أنا أتكوي! إنما لحقت حتة في جتتي تقشَّر! كيل دوماج (quelle dommage).

من فيلم إني راحلة
دليلة لعايدة: صنف الرجالة كده نمرود، طول ما انتي بتعبَّريه يتقل ويتبغدِد!

من فيلم إني راحلة
جدة عايدة وعلي: عايدة.. أنا عايزة أقول لك كلمتين، تخليهم دايمًا قدام عينيكي.. ماتطلبيش م الدنيا كتير، دي من طبعها الغدر يا بنتي.. استني لما هيَّ تدِّيكي، واللي تاخديه منها، إرضي بيه.. وابتسيميلها دايمًا، عشان تنتصري عليها، ولا تفرحشي وتشمت فيكي.
دليلة: هو إيه ياختي ده؟! إحنا في جامع ولّا في كنيسة؟! ماكفاية وعظ وإرشاد! أنتوا قلبتوها دراما كده ليه؟!

من فيلم إني راحلة
دليلة: (وهي تفتح الباب) مسيو علي؟ Entrer، s'il vous plaît. والنبي واحشني very much.. خطوة عزيزة يا Excellence.. يا tres jolie.

من فيلم إني راحلة
دليلة لعلي: حتى "كوكو" لسانه اتلوى! "أبوك السقا مات" بيقولهالي: Your father the water man died!

من فيلم إني راحلة
من أصدقاء توتو: Delilah، 2 ويسكي صودا في التراس.. قوام يا Delilah.
دليلة: إيه! ديلايلتك سودا! ديلايلا يعني إيه سي فايق بك؟
فايق: حبيبة شمشمون يا دليلة.
دليلة: يا ريت! وأنا كنت خليته هدها فوق دماغهم.

من فيلم إني راحلة
دليلة: (للببغاء) الله يغلِّبَك يا بعيد! يا خسارة تربيتي فيك السنين دي كلها؟!

من فيلم إني راحلة
دليلة: (للببغاء) الله يخليك، وينصرك على مين يعاديك.

من فيلم إني راحلة
دليلة لأحمد: النبي يحفظك ويصونك.