من فيلم أنت حبيبي
ياسمينة: الحقيني يا ماما.
أم ياسمينة: يا ألف نهار مبروك، يا ألف نهار أبيض. أهو أنا دلوقتي اتطمنت، قلبي انشرح.
فريد: قلبك إنشرح ليه؟!
أم ياسمينة: من خناقكوا سوا.. الست وجوزها لما يتخانقوا مع بعض، معناها بيحبوا بعض، بيموتوا في بعض. ربنا يزيدكوا خناق.. ربنا يزيدكوا عكننة.

من فيلم إني راحلة
دليلة: عشت وحاشوف رئيس وزارة وولاده شكلهم إيه.. تعرفي يا ستي، أنا بيتهيّألي أنهم بيشربوا بدل المياه كلونيا. وبيحطوا ع الفتة بدل التقلية فزدق.

من فيلم إني راحلة
عايدة: (عن أحمد) بس لو كان إداني فرصة عشان أشرحله.. بدال ما يعذِّبني ويعذِّب نفسه من غير سبب..
دليلة: أنا برضه لو كنت راجل كنت عملت أكتر من كده. ده الواد "صدمة" أيَّام ما كان بيحبني شافني باطبطب على كلب -مش بارقص معاه-، هرى جتتي م الضرب.

من فيلم إني راحلة
من أصدقاء توتو: Delilah، 2 ويسكي صودا في التراس.. قوام يا Delilah.
دليلة: إيه! ديلايلتك سودا! ديلايلا يعني إيه سي فايق بك؟
فايق: حبيبة شمشمون يا دليلة.
دليلة: يا ريت! وأنا كنت خليته هدها فوق دماغهم.

من فيلم إني راحلة
دليلة لأحمد: النبي يحفظك ويصونك.

من فيلم إني راحلة
دليلة لعايدة: صنف الرجالة كده نمرود، طول ما انتي بتعبَّريه يتقل ويتبغدِد!