من فيلم إني راحلة
جدة عايدة وعلي: عايدة.. أنا عايزة أقول لك كلمتين، تخليهم دايمًا قدام عينيكي.. ماتطلبيش م الدنيا كتير، دي من طبعها الغدر يا بنتي.. استني لما هيَّ تدِّيكي، واللي تاخديه منها، إرضي بيه.. وابتسيميلها دايمًا، عشان تنتصري عليها، ولا تفرحشي وتشمت فيكي.
دليلة: هو إيه ياختي ده؟! إحنا في جامع ولّا في كنيسة؟! ماكفاية وعظ وإرشاد! أنتوا قلبتوها دراما كده ليه؟!

من فيلم إني راحلة
دليلة لعايدة: صنف الرجالة كده نمرود، طول ما انتي بتعبَّريه يتقل ويتبغدِد!

من فيلم إني راحلة
عايدة: (عن أحمد) بس لو كان إداني فرصة عشان أشرحله.. بدال ما يعذِّبني ويعذِّب نفسه من غير سبب..
دليلة: أنا برضه لو كنت راجل كنت عملت أكتر من كده. ده الواد "صدمة" أيَّام ما كان بيحبني شافني باطبطب على كلب -مش بارقص معاه-، هرى جتتي م الضرب.

من فيلم ابن حميدو
عزيزة: وارمة يا حميدة؟
حميدة: دي مفرهدة خالص يا عزيزة.

من فيلم إسماعيل يس طرزان
حسنات: آه! اتهزأت يا پاپّا.. أنا ماقدرش أعيش بعد كده يا بابا.. أنا حانتحر، أنا حاشرب فليت.

من فيلم إني راحلة
دليلة: يا اخواتي، أنا بس ذنبي إيه عشان أروح مصر في عز الأيَّالة! مش كفاية حرارة الحب؟! ده احنا حانولَّع!