سياسة اسنخدام الكوكيز

أوافق باستمرارك في استخدام موقع الدهليز، فأنت توافق على سياسة الموقع لاستخدام الكوكيز. (عرض سياسة استخدام الكوكيز)

جديد من الدهليز: يمكنك الآن تركيب وجهك على أي ميم في الموقع باستخدام الذكاء الاصطناعي. إبدأ هنا الآن.
موقع الدهليز مجاني بالكامل 100%!
تقييم الموقع
عن الدور
* قام بالدور: الفنانة فاتن حمامة
* شقيقة ممدوح.
أقوال (12)
من فيلم نهر الحب
نوال: (لنفسها) ومرَّت السنين، وأنا أعيشُ كزوجةٍ لصاحب المعالي، كجزيرة محاصرة بالتقاليد والمظاهر.. بالتصنُّع والتكلف.. نسيت خلالها ابتسامة القلب، وبتُّ لا أعرِف سوى ابتسامة الأسنان والشفاة!
من فيلم نهر الحب
نوال: (تقوم لابنها عندما يحضنها بقوة) حاتخنقني، حاتموِّتني يا هاني.
هاني: هو الحب يموِّت يا ماما؟!
من فيلم نهر الحب
نوال: معلش يا طاهر، غصب عنه.
طاهر: أرجوكي! أنا ماكرهش حاجة في الدنيا أد كلمة "معلش" دي!
نوال: عيبها إيه بقى؟!
طاهر: عيبها أنها بتساعد على عدم الشعور بالخطأ، وبالتالي على عدم الاستعداد لتجنُّب الخطأ!
من فيلم نهر الحب
طاهر: أفتكر إحنا متفقين على أن معاد العشا دايمًا يكون الساعة تمانية بالظبط، رغم كده، حضرتك جيتي من الملاهي متأخرة!
نوال: واستنيتني ليه لما أنت جعان، ماكالتش ليه؟!
طاهر: المسألة مش مسألة جعان أو لأ، دي مسألة مبدأ! نظام معيَّن ارتضينا إننا نعيش عليه إحنا الاتنين، من زمان.
نوال: تقدر تقوللي الساعة كانت كام لما أنا رجعت؟!
طاهر: تمانية وخمسة.
نوال: يعني تمانية!
طاهر: لا يا هانم، أبدأ! دي دقيقة واحدة تفرق كتير! في الحروب، دقيقة واحدة بتقرَّر مصير أمم، بتفرَّق بين الحياة والموت!
من فيلم نهر الحب
نوال: أنت مابتزهقش أبدًا يا طاهر؟!
طاهر: من إيه؟
نوال: من أنك دايمًا معاك حق! من أنك مابتغلطش أبدًا؟! أنا لو مطرحك كنت أتمنى إني أغلط ولو مرة واحدة!
طاهر: يا عزيزتي نوال، الإنسان ممكن يغلط في حالة واحدة بس: لو فكَّر بقلبه.
نوال: يبقى عمرك ما حاتغلط أبدًا.
من فيلم نهر الحب
خالد: ماتقوليش اسمك ولا عنوانك عشان أكون عند وعدي. صدفة تانية قريب.. بيقولوا ساعات، أن الدنيا صغيرة.
نوال: مش دنيتي أنا.
من فيلم نهر الحب
نوال: خلاص يا صفية، خلاص بقى.. بس اسمعي، المرة الجاية ماتجيبيش دادة أقل من خمسين سنة.
من فيلم نهر الحب
خالد: إيزيس.
نوال: إيزيس؟
خالد: أيوة، اللي بدوَّر عليها من زمان، من قبل التاريخ. إنتي إيزيس، بس متنكرة في ملابس مودرن، وأنا أوزوريس. وده نهر الحب اللي عملته دموعك، ودلوقتي، إيزيس حاترقص مع أوزوريس رقصة الحياة.
من فيلم نهر الحب
نوال: تعرف عني إيه يا خالد؟
خالد: أعرف أنك روح وحيدة، هايمة في دنيا كلها حِرمان. السعادة قدامك، في إيدك، وأكتر من كده.. هي اللي بتمدلك إيديها، هي اللي بتسعى لك.. زي الوردة دي.. مايلة ناحيتك، حاتتكلم، حاتقولك أنا لكي، خديني. رغم كده مش عايزة! بتهربي منها.
نوال: السعادة اللي بتتكلم عنها مش من حقي يا خالد.
خالد: مهما كان المانع قوي، القدر أكبر وأقوى. إنتي اللي قولتيها، الليلة دي.
نوال: يمكن لو تعرف أنا مين، وإيه اللي بيحرَّم عليَّ.. السعادة.. لكنت أقدر أقول لك. يمكن كنت تعذرني وتبعد عني.
خالد: بعدتي عن الوردة، وبعدين رجيعتيلها تاني. خديها دلوقتي، هي حاتفكرك دايمًا بالسعادة، ولو أن التفكير في حاجة مايغنيش عنها.
من فيلم نهر الحب
نوال: (برفق) أرجوك تسيبني في حالي وتبعد عني. أنا متجوزة، وليَّ ابن هو كل حياتي.
خالد: إنتي ليكي ابن هو كل حياتك، وأنا ليَّ قلب، إنتي كل حياته.
من فيلم نهر الحب
طاهر: إيه الحكاية؟! دول ماكانوش يومين غيبتوا فيهم عن بعض!
نوال: أنت بتقول أن دقيقة واحدة بتفرِق بين الحياة والموت، تصوَّر بقى يومين بلياليهم ممكن يجرى فيهم إيه!
من فيلم نهر الحب
خيرية: إيه، إيه رأيك يا نوال؟ مش جنان؟
نوال: فعلًا.
خيرية: مع أنه رسام مجهول اللي رسمهالي.
من معارف الباشا: إنتي دايمًا تكتشفي العبقريات المدفونة يا خيرية هانم. الحقيقة مدهش.
سيدة بالحفل الثاني: عنده تاتشات "جويا".
ميرفت لنوال: (هامسةً) عنده تاتشات نفاق! مطلَّعها أصغر من سنها بعشرين سنة.