أقوال من شخصيات: سعاد حسني

أقوال (59)

من فيلم غريب.. في بيتي
عفاف لشحاتة: طب ما أنت كويس أهو! أمَّال زعلان على نفسك ده ليه؟!

من فيلم الزوجة الثانية
أبو العلا: وإيه ده كله. بطة ووزة! دى ماحصلتش!
فاطمة: من بختي لاجل ما ادوق الوِز وأستطعم طعمه.
أبو العلا: يعنى هايكون طعمه آيه؟! أهو وز.
فاطمة: يعنى أنت دُقته؟!
أبو العلا: أيوه. وأنا صغير أمى كانت عندها وزة لحقتها بالسكينة وهى بتفرفر. شايفة الفخدة دى يا بِت؟ يوزن لها بالقليل كده يجي رطلين لحمة.
فاطمة: ولَّا الطبلة دي.. الطبلة اللى عاملة زى اللية.
فاطمة: آه ياني لو الوزة دي بتاعتنا.
أبو العلا: يا سلام يا بِت.. دى كانت تبقى ليلة.
فاطمة: دا أنا كنت أسلقها وأشويها وأفصصها فصوص، وأعملك صحن فتة. وكُل يا أبو العلا..
أبو العلا: لأ كُلي إنتي.
فاطمة: والنبي ماتكسفش إيدي. كُلْ إنت.
أبو العلا: بس إن ماكنتيش تحلفي.. أقولك.. إنتي النُص وآني النُص.

من فيلم أميرة.. حبي أنا
عادل: الله، إنتي كنتي مروحة ولّا إيه؟
أميرة: أبدًا، ليه؟
عادل: عشان معاكي الشنطة.
أميرة: آه، أصل النهاردة أول الشهر، وبيقولوا أن الشيطان شاطر!

من فيلم السفيرة عزيزة
أحمد: أنا كمان لو رجعت في يوم م الأيام ومالقيتش الأكل جاهز..
عزيزة: يا مصيبتي! وده معقول؟!
أحمد: تعرفي حاعمل إيه؟ حامسكك من إيدك، وأسحبك في المطبخ، وأقفل الباب بالمفتاح، وأمسك السكينة، وأقرَّب عليكي وأقولِّك: "هاتي البطاطس يا عزيزة".

من فيلم غريب.. في بيتي
شحاتة: وإحنا برضه، معرفة جديمة.
عفاف: معرفة مطينة بطين!

من فيلم غريب.. في بيتي
عفاف لخبيرة إعلان مُعجبة بشحاتة: إنتي عبيطة ولّا شكلك كده؟!

من فيلم الزوجة الثانية
عتمان: الكلام اللى بتقوله نظيرة صدق؟
فاطمة: ليه؟ لهو أنت مش دريان بنفسك!
عتمان: ماحصلش.
فاطمة: أهو حصل.
عتمان: من إمتى؟
فاطمة: إسأل نظيرة.
عتمان: مِن مين؟
فاطمة: من جوزي.
عتمان: جوزك؟!
فاطمة: يمين بالله العظيم جوزي.
عتمان: آني يا بِت؟!
فاطمة: طب هو أنت جوزي؟! آني مرات أبو العلا.
عتمان: يا فاجرة!
فاطمة: آني لو كنت فاجرة، كنت بقيت مراتك ولو لليلة واحدة.
عتمان: آني هاأدبحك!
فاطمة: وهاتقول للناس إيه؟ دبحتهِه عشان جابت لى الواد؟!
عتمان: مش ابني.
فاطمة: كَدِّبنى قدام أهل البلد. قولهم إن ده ابن أبو العلا وإن..
عتمان: إخرسي إخرسي. إنتي لازم تشوفيلك حَلْ في الواد ده!
فاطمة: أما تعلقلي حبل المشنقة.

من فيلم غريب.. في بيتي
عفاف لشحاتة: أنت راجل صعيدي أصيل.. أهي دي أخلاق القرية ولّا بلاش.

من فيلم غريب.. في بيتي
عفاف لخبيرة إعلان مُعجبة بشحاتة: يا حلاوة! ده إنتي عينك يندب فيها رصاصة!

من فيلم الزوجة الثانية
حسان: إلهى يعمر بيتك يا فاطمة يا بنت ستيتة.
فاطمة: اتفضلوا بالهنا والشفا.
فلاح 1: دى رَجَّعِت لأم لوزة جاموستها.
فلاح 2: ولما راحلها عوض الأعرج قالت له روح ازرع أرضك ولا يهمك.
فلاح 3: ده شُغْل ربنا يا عم.. بيسلَّط أبدان على أبدان.

من فيلم الكرنك
طالب 1: كل ده قماش؟ كل دي يُفَط؟
زينب: والكلام ده مين اللي حايقراه بس في "ميت معقول"؟
إسماعيل: الفلاحين طبعًا.
زينب: مش لما نعلمهم القراية الأول؟!
طالبة 1: طول ما هما عيانين، ومش واكلين، ومش لابسين، عمرهم ما حايتعلِّموا.
إسماعيل: على فكرة، اليُفَط دي حاتعمل أزمة قماش في البلد.
زينب: إيه رأيكم، بدل ما نكتب ع القماش ده، نفصَّلهُ جلاليب للفلاحين.

من فيلم الكرنك
زينب: خلي عندك أمل يا إسماعيل.. بكرة كله يتغيَّر..
إسماعيل: للأحسن، ولّا للأوحش؟
زينب: مفيش أوحش من اللي كنا فيه.
إسماعيل: مفيش أسهل م الفلسفة!

من فيلم الاختيار
شريفة: الظاهر أنك مابتتعِبش نفسك في اختيار ألفاظك!

من فيلم الكرنك
مسئول منظمة الشباب بالكلية: مالكومش دعوة أنتوا بالمسائل دي!
زينب: مالناش دعوة إزاي؟! إحنا كل المجهود اللي بنقوم بيه ده، على أساس أن لينا دعوة!
طالب 2: والرأي ده، من منطلق الحرص على المصلحة العامة.
مسئول منظمة الشباب بالكلية: خليكوا في شغلكوا أحسن، إحنا عارفين بنعمل إيه كويس! أنت، وإنتي، حصَّلوني ع المكتب.

من فيلم غريب.. في بيتي
عفاف: (لنفسها) راحت المهية وراحت الجمعية! وده كلّه من نَقُّهُم فيَّ!

من فيلم الاختيار
سيد: وعلى إيه ده كله؟! نجري من هنا لهنا.. نضحك لده وده.. نسافر لآخر الدنيا.. ومهما روحنا، مانقابلش غير نفسنا! ياما صحيت في بلاد كتير -أحلى بلاد في الدنيا- روما، موسكو، نيويورك، باريس.. ألِف وألف مالاقيش غير نفسي! الديكور بيتغيَّر، وأنا بافضل زي ما أنا.. باضحك مش عارف ليه، باجري مش عارف ليه.. عايز أكبر، وأكبر وأبقى مهم، مش عارف على إيه!
شريفة: أنت الليلة متضايق من نفسك.
سيد: حتى دي مش عارفها! إحنا كلنا بندوَّر علي إيه؟!