وداد حمدي - الدهليز
تقييم الموقع
عن الفنان
الاسم الأصلي:
وداد محمد عيسوى زرارة
تاريخ ومكان الميلاد:
03/07/1924 - كفر الشيخ، مصر
تاريخ ومكان الوفاة:
26/03/1994 - القاهرة، مصر (69 عامًا)
سنوات العمل السينمائي:*
1945 - 1996
الدراسة:
* معهد التمثيل (تركته بعد عامين)
الزيجات:
الأقارب:
* بحسب البيانات المتوفرة لدى الدهليز
منوعات (6)
اشتركت في مئات الأفلام في تاريخ السينما.
من أدوارها المتكررة دور الخادمة.
عملت في الفرقة القومية المصرية.
اعتزلت فترة في الستينيات بعد زواجها.
طلبت منها الفنانة وردة العودة للعمل من أجل مسرحية: تمر حنة.
قتلها الريجيسير متى باسيليوس بغرض السرقة، وكان قد ذهب قبلها لنفس الغرض لشقة يسرا وسهير رمزي. وتم إعدامه بعد القبض عليه.
أقوال (9)
سنية: والله وقعنا واللي كان كان.
سنية: يوه! هو أنت؟! يخيبك يا مشكال النوايب!
مشكال: هُس، وطِّي صوتك يا أم الخلول.
سنية: أنا أم الخلول يا أبو جلامبو؟ هاه؟ عايز إيه؟
مشكال: عايز في كلمة.
سنية: مانيش فاضية! مانتش شايف؟!
مشكال: يا حلو. لحسة من طاس الطحينة.
سنية: بزيادة لحستك! أنت ناقص؟!
سنية: قال لو ما كنتش أعرف أمك وأبوك، كنت قولت ولاد الغُزّ وِلدوك.
راجية: أنا متهيألي إن أنا في حلم.
سنية: الأحلام لذيذة وحلوة، طول ما الواحد مغمَّض عينيه.
راجية: حاغمَّض، عشان أشوف الحاجة اللي أنا عايزة أعيش فيها. بكرة حاشوف اللي الدنيا حاترغمني إني أشوفه!
دكتور عبد الرحمن: (يسألها عن تبرعها بالدم) حاسة بأي تعب يا شفا؟
شفا: أبدًا يا دكتور، اتبحبح.. تقدر كمان تاخدلك تلات أربع ترطال..
شفا: عزيزة، عزيزة..
عزيزة: أيوة يا شفا؟
شفا: الحقي نمرة 2 في البريمو.
عزيزة: ماله؟!
شفا: إديله حقنة تقوي قلبه؟
عزيزة: ليه؟! جاتله كريزة تاني؟!
شفا: لأ، جاتله الفاتورة.
شفا لإحسان: تعرف الدكتور حلمي بيقول عليَّ إيه؟ "ورشة دم". اللي ماعندوش دم ييجي عندي أنا. ماتضحكيش من فضلك، أنا باتكلم جد. أصل أختك ماتحرمش نفسها من أي حاجة أبدًا.. زلابية، مفتقة، لقمة القاضي، بسبوسة.. كل الحاجات الحلوة اللي تخلي الدم زي الشربات. ماتضحكيش، أنا باتكلم جد. كل الدكاترة مستغربية، خصوصًا الدكتور فشة. أيوة فشة، أنا أصلي مسميَّة الدكاترة بأسامي العمليات اللي بيعملوها عندنا.. خدي يا ستي عندك، الدكتور إبراهيم طحال، الدكتور مصطفى فشة، الدكتور عبد القادر كلاوي، الدكتور حلمي عيون.. وكلهم كوم والدكتور حلمي كوم.. ده دكتور العين.. عينيه قتلاني..
شفا: ماتضحكيش من فضلك، أنا باتكلم جد.
شفا: دكتور عبد الرحمن.. الحق ايا دكتور عبد الرحمن نمرة 18.
دكتور عبد الرحمن: مالها؟ عندها حرارة؟
شفا: لأ، عندها عطيات.
الشبكة الفنية
عرض الأعمال المشتركة مع