من فيلم موعد مع الحياة
فاطمة: قوليله مش موجودة.
زهرة: ردي عليه والنبي!
فاطمة: هي كلمة واحدة، قوليله مش موجودة!
زهرة: حاضر. (تكلم ممدوح في التليفون) الست بتقول لحضرتك "مش موجودة". يقطعني! لا لا لا لأ، عايزة تقول لحضرتك أنها ماهياش موجودة! يوه! برضه لأ!

من فيلم كرامة زوجتي
نادية: إنت عايز إيه محمود؟!
محمود: عايزك تصدقيني.
نادية: أجمل حاجة فيك أنك كداب، لو صدَّقتك حايبقى دمَّك تقيل.

من فيلم كرامة زوجتي
نادية: عجبتك الصورة يا ميدو؟
صميدة: جوي جوي جوي يا ست هانم، فكرتني بصورة غالية عليَّ جوي (قوي). ولدي "مخيمر".. Tu te fais mon fils Mekheimar.

من فيلم بيت النتاش
ملبسة: أنت ماتعرفش قيمة نفسك!
سكر: ماعرفش إزاي؟! هو مفيش مرايات في البلد؟!

من فيلم نحن لا.. نزرع الشوك
حمدي: أنا أعرف أعلمك إزاي.
سيدة: وتخليني أقول "سمس" زي ما بتقولوها؟
حمدي: حاخليكي تقولي "شمس" و"قمر" و"نجوم".. روحي إنتي نامي.
سيدة: هو بقى فيها نوم؟ ماطلعت.
حمدي: هي إيه اللي طلعت؟
سيدة: إيه.. السمس.

من فيلم مراتي مدير عام
عصمت: مفيش معنى أبدًا إننا نشتري مباني جديدة، وتفكيرنا يفضل قديم! الحكومة مابتبخلش علينا بحاجة أبدًا، إنما إحنا بنبخل.. مفيش موظف عايز يتحمل مسئولية.. كلنا بنهرب م المسئولية.. بنهرب منها باللايحة والروتين والقوانين.. اللايحة هنا (تشير إلى المخ)، والقانون هنا.. لازم تكون عندنا الجرأة علشان ننفذ اللي نعتقد أنه للصالح العام..