من فيلم كرامة زوجتي
محمود: مين ده؟
نادية: هو.. مُعجب؟
محمود: وولهان كمان!
نادية: ولهان؟! ماعرفش حد اسمه ولهان.

من فيلم مراتي مدير عام
عصمت: عايز إزازة شمبانيا حالًا..
محمدين: كاس واحد؟
عصمت: اتنين.
محمدين: محمدين!

من فيلم أنت حبيبي
ياسمينة: الحقيني يا ماما.
أم ياسمينة: يا ألف نهار مبروك، يا ألف نهار أبيض. أهو أنا دلوقتي اتطمنت، قلبي انشرح.
فريد: قلبك إنشرح ليه؟!
أم ياسمينة: من خناقكوا سوا.. الست وجوزها لما يتخانقوا مع بعض، معناها بيحبوا بعض، بيموتوا في بعض. ربنا يزيدكوا خناق.. ربنا يزيدكوا عكننة.

من فيلم مراتي مدير عام
عصمت: عايز إزازة شمبانيا حالًا..
محمدين: كاس واحد؟
عصمت: اتنين.
محمدين: محمدين!

من فيلم كرامة زوجتي
نادية: إنت عايز إيه محمود؟!
محمود: عايزك تصدقيني.
نادية: أجمل حاجة فيك أنك كداب، لو صدَّقتك حايبقى دمَّك تقيل.

من فيلم أنت حبيبي
ياسمينة: يا سم!
فريد: يا دم! ليلتك سودا.
ياسمينة: ليلتك مهببة.
فريد: يا باي!
ياسمينة: يا ساتر!
فريد: باكرهك من كل قلبي.
ياسمينة: باكرهك زي العمى.
بهيجة: واخدة بالك؟ حاياكلوا بعض من كُتر الحب.
والدة ياسمينة: يا صلاة النبي أحسن الاتنين زي القمر، يا حلاوتهم.