من فيلم بيت النتاش
ملبسة: أنت ماتعرفش قيمة نفسك!
سكر: ماعرفش إزاي؟! هو مفيش مرايات في البلد؟!

من فيلم نحن لا.. نزرع الشوك
سيدة: كفاية خمرة، صحِّتك أولى.
أنور: خايفة عليَّ؟!
سيدة: هو عشان منفعتي، أضرَّك؟!

من فيلم المرأة المجهولة
فاطمة: حانتغدَّا إيه يا سعاد؟
سعاد: (بتهكم) فراخ طبعًا زي كل يوم.

من فيلم المرأة المجهولة
فاطمة: أنا في الحقيقة يا دكتور أحمد.. كان لازم أقول لك.. يعني.. مكسوفة من نفسي.. و.. ومن..
أحمد: مكسوفة إنك خرجتي معايا؟! يا ستي الدنيا اتغيرت.. إحنا دلوقتي سنة تلاتين!

من فيلم كرامة زوجتي
نادية: علشان يفضل حبنا على طول لازم نتفق.
محمود: أيوة، نتفق، أنا أحب الصراحة.
نادية: زي ما حاتعمل أنت أنا حاعمل.
محمود: يعني إيه؟
نادية: يعني، لو خونتنتي حاخونك.

من فيلم أنت حبيبي
ياسمينة: يا سم!
فريد: يا دم! ليلتك سودا.
ياسمينة: ليلتك مهببة.
فريد: يا باي!
ياسمينة: يا ساتر!
فريد: باكرهك من كل قلبي.
ياسمينة: باكرهك زي العمى.
بهيجة: واخدة بالك؟ حاياكلوا بعض من كُتر الحب.
والدة ياسمينة: يا صلاة النبي أحسن الاتنين زي القمر، يا حلاوتهم.