من فيلم نحن لا.. نزرع الشوك
أميرة: خدي ياختي خدي.
سيدة: إيه ده؟
أميرة: دي حاجة حاتهديكي أوي، بس اشربيها مرة واحدة. (تسعل سيدة) أيوة كده، دلوقتي تهدي وتستريَّحي خالص. ياللا، كملي الكوباية.
سيدة: لأ، كفاية كده.
أميرة: اسمعي كلامي، أنا عارفة أن طعمه وحش، لكن حايهديكي أوي.. ياللا.. عشان خاطري.. أيوة كده.. اشربي.. اشربي..

من فيلم نحن لا.. نزرع الشوك
حمدي: جايباها لمين دي يا سيدة؟
سيدة: كوثر وأمها جُم م الصعيد.
حمدي: طب وجايبة إزازة واحدة ليه؟
سيدة: ماحنا دايمًا بنعمل كده، بنجيب إزازة واحدة، ونحطها في كوبايتين، ونحط عليهم تلج.
حمدي: روحي هاتي إزازة تانية بلاش فضايح!

من فيلم مراتي مدير عام
حسين: كل يوم قلقاس؟! كل يوم قلقاس؟!
عصمت: ده مش قلقاس يا حبيبي! دي مكرونة بالفراخ!
حسين: كل يوم فراخ! كل يوم فراخ! دي ماباقيتش عيشة!

من فيلم كرامة زوجتي
نادية: محمود، ابقى هاتلي معاك كابوريا.

من فيلم نحن لا.. نزرع الشوك
أميرة: يا باي! مبلمة كده ليه؟! هو يعني كان جرى إيه؟! قال على رأي المثل: "كنا، وكان، وكان ياما كان"! أهو كله محصَّل بعضه.
سيدة: ليكي حق! كله محصَّل بعضه!

من فيلم أنت حبيبي
ياسمينة: أمَّا أعرفكوا ببعض: حضرته جوزي، وحضرته خطيبي.