من فيلم كرامة زوجتي
محمود: (بعدما يقبلها وتنظر له بحدة) إيه؟! فيها حاجة دي؟!
نادية: فيها جرح لكرامتي.
محمود: ماهو لو كنتي بتحبيني، كنتي عرفتي أن مفيش حاجة في الحب اسمها كرامة.
نادية: لا يا أستاذ، يا محامي، يا مُثَقَّف.. الحب هو الكرامة، هو الاحترام.. لو شيلت الاحترام من الحب، يبقى أي حاجة إلا الحب.
محمود: ده كلام إنشاء.
نادية: كلامك أنت اللي كله إنشا. أنت ممكن تبوس أي واحدة، لكن الفرق أن اللي بتحبها بتبوسها وأنت بتحترمها. وأي واحدة تانية بتبوسيها وأنت مابتحترمهاش.

من فيلم المرأة المجهولة
فاطمة: حانتغدَّا إيه يا سعاد؟
سعاد: (بتهكم) فراخ طبعًا زي كل يوم.

من فيلم مراتي مدير عام
عصمت: على فكرة..
أبو الخير: أيوة يا فندم؟ نعم؟ نعم؟ نعم يا فندم؟
عصمت: هما سموك أبو الخير ليه؟!
أبو الخير: من أعمالي يا فندم.. أيوالله من أعمالي.

من فيلم كرامة زوجتي
نادية: علشان يفضل حبنا على طول لازم نتفق.
محمود: أيوة، نتفق، أنا أحب الصراحة.
نادية: زي ما حاتعمل أنت أنا حاعمل.
محمود: يعني إيه؟
نادية: يعني، لو خونتنتي حاخونك.

من فيلم نحن لا.. نزرع الشوك
حمدي: والله زمان يا سيدة..
سيدة: أيام ماتتنسيش.
حمدي: كانت أيام حلوة.
سيدة: أنا ماعيشتش غيرها.. دي كل عمري..

من فيلم نحن لا.. نزرع الشوك
سيدة: هو ده بيت الطاعة؟!
عباس: ماله؟ سكن شرعي زي ما قالت حضرة الحكومة، قلة وحصيرة ومحل أدب.