من فيلم كرامة زوجتي
نادية: إنت عايز إيه محمود؟!
محمود: عايزك تصدقيني.
نادية: أجمل حاجة فيك أنك كداب، لو صدَّقتك حايبقى دمَّك تقيل.

من فيلم نحن لا.. نزرع الشوك
أميرة: خدي ياختي خدي.
سيدة: إيه ده؟
أميرة: دي حاجة حاتهديكي أوي، بس اشربيها مرة واحدة. (تسعل سيدة) أيوة كده، دلوقتي تهدي وتستريَّحي خالص. ياللا، كملي الكوباية.
سيدة: لأ، كفاية كده.
أميرة: اسمعي كلامي، أنا عارفة أن طعمه وحش، لكن حايهديكي أوي.. ياللا.. عشان خاطري.. أيوة كده.. اشربي.. اشربي..

من فيلم أنت حبيبي
ياسمينة: يا سم!
فريد: يا دم! ليلتك سودا.
ياسمينة: ليلتك مهببة.
فريد: يا باي!
ياسمينة: يا ساتر!
فريد: باكرهك من كل قلبي.
ياسمينة: باكرهك زي العمى.
بهيجة: واخدة بالك؟ حاياكلوا بعض من كُتر الحب.
والدة ياسمينة: يا صلاة النبي أحسن الاتنين زي القمر، يا حلاوتهم.

من فيلم مراتي مدير عام
عصمت: عايز إزازة شمبانيا حالًا..
محمدين: كاس واحد؟
عصمت: اتنين.
محمدين: محمدين!

من فيلم نحن لا.. نزرع الشوك
حمدي: أنا أعرف أعلمك إزاي.
سيدة: وتخليني أقول "سمس" زي ما بتقولوها؟
حمدي: حاخليكي تقولي "شمس" و"قمر" و"نجوم".. روحي إنتي نامي.
سيدة: هو بقى فيها نوم؟ ماطلعت.
حمدي: هي إيه اللي طلعت؟
سيدة: إيه.. السمس.

من فيلم نحن لا.. نزرع الشوك
حمدي: لو خدت الكفاءة، سنتين، آخد البكالوريا، وأدخل الجامعة.
سيدة: هي لسة فيها بكاروريا؟