لبلبة

من فيلم ضد الحكومة..!
محامي: طب يا جماعة والمصابين؟
سامية: المصابين مابيجيبوش همهم، التعويض بتاعهم قليل.

من فيلم ليلة ساخنة
حورية: سَهَّاني وتاه مني..
سيد: المهم أنك لقيتيه..

من فيلم الفيل الأزرق
د. صفاء: آخر واحد بيعرف أنه عيان، هو المريض نفسه!

من فيلم ليلة ساخنة
حورية لليلى: سخني الأكل بس خلي بالك م البوتجاز.

من فيلم ليلة ساخنة
حورية: وهو الولد كده يا قلبي؟!
سيد: حكمة ربنا..
حورية: مالوش علاج؟
سيد: بيقولوا فيه مراكز في أمريكا وفي أوروبا، بيعملولهم تدريبات وعلاج نفسي.. بس مين يقدر عليها.. كل برغوت على أد دَمّه.. بس أنا مدخله مدرسة، ربنا يقدرني على مصاريفها..
حورية: ده نعمة.. عَيِّل زي ده يباركلك في بيتك وعافيتك.. وتخش الجنة على إيده..
سيد: أنا كمان روحي فيه من يوم أمه ما ماتت.. بقيت كل أهله.. وهو كل دُنيتي..
حورية: كنت بتحب أمه زي ما بتحبه كده؟
سيد: حُب إيه؟! الله لا يسيئك.. إحنا لينا فيه ولا نقدر عليه؟!
حورية: يعني اتجوزتها كده أورديحي؟!
سيد: كات سانداني.. بتتحامى فيَّ م الدنيا..
حورية: برضه القلب وما يريد.. هو ده اللي بيخلي الدنيا تِحلوّ في عينينا مهما كانت..

من فيلم الفيل الأزرق
د. صفاء: عندي مكان في قسم الشيخوخة.
يحيى: لأ، لأني مش حاستحمل التبول اللا إرادي يا دكتور.