من فيلم ليلة القبض على فاطمة
سكينة: الفستان مش مجسم يا فاطمة!
فاطمة: حايتكسِّم إزاي يا سكينة؟!
سكينة: مطخَّني أوي يا فاطنة!
فاطمة: بقى الفستان اللي مطخِّنِك؟!

من فيلم دعاء الكروان
آمنة: بجى ولا واحدة منهم عجباك؟!
الباشمهندس: إللي عاجباني واحدة تانية غير دول خالص..
آمنة: جاعدة في مصر بردك؟
الباشمهندس: جاعدة في جلبي.

من فيلم موعد مع السعادة
ليلى: إحكيلي حدوتة الأول يا ماما..
آمال: طيب يا روحي، حاحكيلك حدوته.. كان فيه مرة واحد سلطان، السلطان ده كان عنده كل حاجة، وكان اسمه "سعيد" لكن هو مش سعيد.
ليلى: ليه يا ماما؟ مش كان بيلعب مع السلطانيات التانيين؟
آمال: هاها.. الظاهر كده..
ليلى: وبعدين؟
آمال: وبعدين قالوا له عشان يبقى سعيد، لازم يلبس قميص واحد سعيد.
ليلى: وبعدين؟
آمال: قعدوا يدوَّروا من هنا لهنا عشان يلاقوا واحد سعيد، أبدًا..
ليلى: وبعدين؟
آمال: وفين وفين، لقوا واحد راعي غنم، عجوز، وقاعد بيغني.
ليلى: وبعدين؟
آمال: قالوا له "يا راجل أنت، مبسوط؟"، قاللهم "أنا مبسوط وسعيد 24 قيراط"، قالوا له "طب فين قميصك"؟ بصوَّا التقوه ماعندوش قميص.
ليلى: وبعدين؟
آمال: خلاص! توتة توتة، فرغت الحدوته..
ليلى: أمال ليه كان مبسوط يا ماما؟
آمال: عشان كان عنده ناس يحبهم، وهما كمان يحبوه..

من فيلم نهر الحب
نوال: (لنفسها) ومرَّت السنين، وأنا أعيشُ كزوجةٍ لصاحب المعالي، كجزيرة محاصرة بالتقاليد والمظاهر.. بالتصنُّع والتكلف.. نسيت خلالها ابتسامة القلب، وبتُّ لا أعرِف سوى ابتسامة الأسنان والشفاة!

من فيلم موعد مع الحياة
آمال: سجى الليل، ولا الفجر، وها هي الطبيعة تَضْرِبُ موعِدًا جديدًا للأحياء مع الحياة..

من فيلم دعاء الكروان
هنادي: بت يامنة، أوعي تزلفي بكلمة جدام أماي.
آمنة: إنتي فكراني صغيرة..؟! دنا أوعى منكِ!