ليلى

من فيلم موعد مع السعادة
ليلى: إحكيلي حدوتة الأول يا ماما..
آمال: طيب يا روحي، حاحكيلك حدوته.. كان فيه مرة واحد سلطان، السلطان ده كان عنده كل حاجة، وكان اسمه "سعيد" لكن هو مش سعيد.
ليلى: ليه يا ماما؟ مش كان بيلعب مع السلطانيات التانيين؟
آمال: هاها.. الظاهر كده..
ليلى: وبعدين؟
آمال: وبعدين قالوا له عشان يبقى سعيد، لازم يلبس قميص واحد سعيد.
ليلى: وبعدين؟
آمال: قعدوا يدوَّروا من هنا لهنا عشان يلاقوا واحد سعيد، أبدًا..
ليلى: وبعدين؟
آمال: وفين وفين، لقوا واحد راعي غنم، عجوز، وقاعد بيغني.
ليلى: وبعدين؟
آمال: قالوا له "يا راجل أنت، مبسوط؟"، قاللهم "أنا مبسوط وسعيد 24 قيراط"، قالوا له "طب فين قميصك"؟ بصوَّا التقوه ماعندوش قميص.
ليلى: وبعدين؟
آمال: خلاص! توتة توتة، فرغت الحدوته..
ليلى: أمال ليه كان مبسوط يا ماما؟
آمال: عشان كان عنده ناس يحبهم، وهما كمان يحبوه..

من فيلم موعد مع السعادة
ليلى: هات بوسة يا إبراهيم.
عم إبراهيم: هاهاها.. اتحشَّمي يا لولَّا ده أنا جدك!

من فيلم موعد مع السعادة
آمال: ياللا يا ليلى، إنتي بكرة لازم تصحي بدري..
ليلى: لأ يا ماما كمان شوية.
آمال: البنات الحلوين يقولوا إيه؟!
ليلى: حاضر.

من فيلم موعد مع السعادة
ممدوح: إيه؟ مش حاتبوسيني هنا بقى؟
ليلى: (تقبله في خده وهي تقول مع كل قبلة) كاك.. كاك.. كاك..
ممدوح: كاك؟!
ليلى: البطة بتقول كده يعني، يعني "باحبك أوي أوي أوي أوي"..