من فيلم مراتي مدير عام
عصمت: على فكرة..
أبو الخير: أيوة يا فندم؟ نعم؟ نعم؟ نعم يا فندم؟
عصمت: هما سموك أبو الخير ليه؟!
أبو الخير: من أعمالي يا فندم.. أيوالله من أعمالي.

من فيلم نحن لا.. نزرع الشوك
سيدة: مش كل مرة تسلم الجرَّة يا عباس.

من فيلم أنت حبيبي
ياسمينة: حرام عليكوا تجوزوني غصب عني. أنا مابحبش فريد، مابقدرش أبص في وشه.
شلبي: بسيطة، في قفاه.

من فيلم كرامة زوجتي
نادية: علشان يفضل حبنا على طول لازم نتفق.
محمود: أيوة، نتفق، أنا أحب الصراحة.
نادية: زي ما حاتعمل أنت أنا حاعمل.
محمود: يعني إيه؟
نادية: يعني، لو خونتنتي حاخونك.

من فيلم نحن لا.. نزرع الشوك
سيدة: أهو أنت كده، الواحدة ماتاخدش منك غير الكلام الفارغ!

من فيلم مراتي مدير عام
عصمت: مفيش معنى أبدًا إننا نشتري مباني جديدة، وتفكيرنا يفضل قديم! الحكومة مابتبخلش علينا بحاجة أبدًا، إنما إحنا بنبخل.. مفيش موظف عايز يتحمل مسئولية.. كلنا بنهرب م المسئولية.. بنهرب منها باللايحة والروتين والقوانين.. اللايحة هنا (تشير إلى المخ)، والقانون هنا.. لازم تكون عندنا الجرأة علشان ننفذ اللي نعتقد أنه للصالح العام..