من فيلم دعاء الكروان
آمنة: بجى ولا واحدة منهم عجباك؟!
الباشمهندس: إللي عاجباني واحدة تانية غير دول خالص..
آمنة: جاعدة في مصر بردك؟
الباشمهندس: جاعدة في جلبي.

من فيلم موعد مع الحياة
أحد معازيم الحفل الثاني: الله! حوشي دموعك يا آمال.
آمال: دي م السيجارة.
أحد معازيم الحفل الثاني: طب أوعي تحرق صوابعك أحسن خُلصِت خلاص.
آمال: خلصت خلاص؟

من فيلم دعاء الكروان
الباشمهندس: ليه يا آمنة؟ ليه تحكمي عليّ بالعذاب؟
آمنة: آني اللي حكمت عليك بالعذاب..؟! ولا أنت حكمت علينا بالعذاب.. آني دخلت البيت ده عشان أشوفك تتعذب.. دخلت البيت ده عشان أشوفك مذلول تحت رجليَّ.. عشان أشوف في عنيك دموع كل اللي غويتهم وبكيتهم.. فاكر لما قلت لك أن ليَّ أخت قتلها الحب..؟ كانت هنادي.
الباشمهندس: هنادي اختك!
آمنة: ماتت بسببك.. قتلها خالي.. قتلها هي المجني عليها.. وأنت اللي جنيت عايش حر.. مافكرتش فيها يوم! ما قلتش راحت فين..؟ عاملة ايه..؟ عايشة؟ ولا التراب اللي تَواهَا كان أحن عليها منك..! لكن هتفتكر فيها ليه؟! هنادي خدامة.. حياتها رخيصة، وعرضها مالوش تمن..
الباشمهندس: هنادي أختك؟!

من فيلم آثار في الرمال
إبراهيم: شايفة كل دول؟ أنا قريت نصهم في الفترة اللي قضيتها هنا.
راجية: وإزاي بتقدر تلاقي الوقت؟
إبراهيم: أنا عندي غير التلحين والقراية؟ القراية تخلي الواحد بني آدم.
راجية: عندك حق، أنا كمان عندي مكتبة كويسة أوي..

من فيلم نهر الحب
نوال: (لنفسها) لم نحدد موعدًا للقائنا التالي، فقد اتفقنا على أن يكون ذلك صدفة.

من فيلم موعد مع الحياة
آمال: سجى الليل، ولا الفجر، وها هي الطبيعة تَضْرِبُ موعِدًا جديدًا للأحياء مع الحياة..