من فيلم موعد مع السعادة
ممدوح: إيه؟ مش حاتبوسيني هنا بقى؟
ليلى: (تقبله في خده وهي تقول مع كل قبلة) كاك.. كاك.. كاك..
ممدوح: كاك؟!
ليلى: البطة بتقول كده يعني، يعني "باحبك أوي أوي أوي أوي"..

من فيلم الرباط المقدس
محسن لسكرتير محسن راهب الفكر: شوية فول علشانك أهومَّا..

من فيلم إني راحلة
أحمد لعايدة: ياللا يا حبيبتي.. اتغطي كويس.. غمضي عنيكي.. عشان تنامي وتستريحي.. أيوة.. اسمعي الكلام.. عشان أحبك أكتر.. وأكتر.. وأكتر..

من فيلم إني راحلة
دليلة: أقولك بالحق أنا اتخضيت، حاكم أنا أخاف م الظباط أوي.
أحمد: ليه بقى؟!
دليلة: بالوراثة يا سيدي.

من فيلم آثار في الرمال
راجية: .. كمان كنت أنبسط لما أشاركهم فيك، زي ما باشركهم في الشمس والهوا، لكن دلوقتي باحس أن الشمس دي بتوَّرلي أنا لوحدي.
إبراهيم: الشمس هي اللي بتستمِد نورها منك، ومن مشاعرك.. الضوء اللي إنتي شايفاه، ده نور قلبك معكوس عليها.

من فيلم إني راحلة
عايدة: أنت دايمًا مستعجل كده؟
أحمد: مش كفاية اللي فات من عمرنا؟

من فيلم موعد مع السعادة
ممدوح: إيه؟ مش حاتبوسيني هنا بقى؟
ليلى: (تقبله في خده وهي تقول مع كل قبلة) كاك.. كاك.. كاك..
ممدوح: كاك؟!
ليلى: البطة بتقول كده يعني، يعني "باحبك أوي أوي أوي أوي"..

من فيلم الرباط المقدس
محسن: الشجاعة تقتضيك أن يكون لك نصيب من الصفح، زي ما كان لك نصيب من الخطأ.

من فيلم المرأة المجهولة
فاطمة: أنا في الحقيقة يا دكتور أحمد.. كان لازم أقول لك.. يعني.. مكسوفة من نفسي.. و.. ومن..
أحمد: مكسوفة إنك خرجتي معايا؟! يا ستي الدنيا اتغيرت.. إحنا دلوقتي سنة تلاتين!

من فيلم آثار في الرمال
إبراهيم: راجية، بصيلي..
راجية: مش عايزة أفتَّح عينيَّ.. متهيَّألي إن باحلم، وخايفة أصحى لا يروح الحلم الجميل اللي أنا فيه.
إبراهيم: الحلم الجميل اللي أنتي فيه حايفضل على طول، مش حاينتهي أبدًا.. راجية، قولي إنك بتحبيني..
راجية: لأ مش حاقول! لأن اللي عندي ده مش حب، أكتر من حب.. الواحد لما يحب حاجة، تكون غريبة عنه.. لكن أنت في دمي.. في كياني.. فهِمت أنت إيه بالنسبة لي؟
إبراهيم: أنا كمان حاسس إني ماقدرش أستغنى عنك.. حاسس أن حياتي مُستمدة منك.. من غيرك ماقدرش أعيش أبدًا..