من فيلم آثار في الرمال
إبراهيم: شايفة كل دول؟ أنا قريت نصهم في الفترة اللي قضيتها هنا.
راجية: وإزاي بتقدر تلاقي الوقت؟
إبراهيم: أنا عندي غير التلحين والقراية؟ القراية تخلي الواحد بني آدم.
راجية: عندك حق، أنا كمان عندي مكتبة كويسة أوي..

من فيلم موعد مع السعادة
ممدوح: إيه؟ مش حاتبوسيني هنا بقى؟
ليلى: (تقبله في خده وهي تقول مع كل قبلة) كاك.. كاك.. كاك..
ممدوح: كاك؟!
ليلى: البطة بتقول كده يعني، يعني "باحبك أوي أوي أوي أوي"..

من فيلم إني راحلة
عايدة: إيه رأيك؟ حاطبخلك النهاردة "كشري" بماية الدَّقة مش الدُّقة.
أحمد: لأ شاطرة، بقيتي بنت بلد حقيقي. بس أنا من رأيي إننا مانبتديش حياتنا بالكشري. خليها آخر الشهر.
عايدة: كشري المُحِب دِندي، يا عبيط.

من فيلم إني راحلة
عايدة: تحشَّم من فضلك واعتذر حالًا.
أحمد: أقدم خالص اعتذاري يا عايدة هانم.
عايدة: مقبول يا أحمد بك، تقدر تتكلم.. استمر.

من فيلم إني راحلة
أحمد لعايدة: ياللا يا حبيبتي.. اتغطي كويس.. غمضي عنيكي.. عشان تنامي وتستريحي.. أيوة.. اسمعي الكلام.. عشان أحبك أكتر.. وأكتر.. وأكتر..

من فيلم موعد مع السعادة
ممدوح: القُرب م الموت، علِّمني معنى الحياة..

من فيلم آثار في الرمال
راجية: أنا خايفة.
إبراهيم: خايفة من إيه؟
راجية: خايفة م المستقبل، وم الأيام..
إبراهيم: ليه بس يا راجية؟!
راجية: خايفة م المستقبل لأنه بعيد ومجهول.. وخايفة لأيَّامنا الحلوة دي تخلص.
إبراهيم: بالعكس.. دي أيَّامنا الحلوة لسة حاتبتدي.

من فيلم الرباط المقدس
محسن: الشجاعة تقتضيك أن يكون لك نصيب من الصفح، زي ما كان لك نصيب من الخطأ.

من فيلم آثار في الرمال
راجية: رسمت صورتك.
إبراهيم: صحيح؟
راجية: أيوة.
إبراهيم: ورسمتيني من الذاكرة؟
راجية: طبعًا م الذاكرة، ماتعرفش أنك مُقيم فيها؟

من فيلم إني راحلة
أحمد: عايدة، اسمعي، إنتي بتحبيني؟
عايدة: سؤال بايخ!
أحمد: وشايفة إني جدير بيكي وأقدر أسعدِك؟
عايدة: وده أبوخ وأبوخ.. طبعًا يا أحمد.