من فيلم لا أنام
مصطفى لنادية: عايز أقولك أن حكاية التليفون دي بطلِت من زمان! الدنيا اتغيرت.. دلوقتي فيه نوادي وحفلات ومجتمعات.. عشان الناس تتعرَّف ببعض.

من فيلم آثار في الرمال
إبراهيم: راجية، بصيلي..
راجية: مش عايزة أفتَّح عينيَّ.. متهيَّألي إن باحلم، وخايفة أصحى لا يروح الحلم الجميل اللي أنا فيه.
إبراهيم: الحلم الجميل اللي أنتي فيه حايفضل على طول، مش حاينتهي أبدًا.. راجية، قولي إنك بتحبيني..
راجية: لأ مش حاقول! لأن اللي عندي ده مش حب، أكتر من حب.. الواحد لما يحب حاجة، تكون غريبة عنه.. لكن أنت في دمي.. في كياني.. فهِمت أنت إيه بالنسبة لي؟
إبراهيم: أنا كمان حاسس إني ماقدرش أستغنى عنك.. حاسس أن حياتي مُستمدة منك.. من غيرك ماقدرش أعيش أبدًا..

من فيلم زوجة لخمسة رجال
السمنودي: من فضلك، مراتي اتسرقت، أبلَّغ مين؟
عسكري 2: سابع باب ع الشمال.
السمنودي: متشكر.
عسكري 2: يا بختك.

من فيلم لا أنام
نادية: ساعات، باحس أنك بعيد عني، بعيد أوي..
مصطفى: أحسن، عشان أوحشك أكتر.

من فيلم الرباط المقدس
محسن: (لنفسه) مسكين المحامي في القضايا الخاسرة.

من فيلم موعد مع السعادة
ممدوح: فهمت أن الإنسان اللي يعيش لنفسه، يعيش لوحده.. وان اللي يعيش لوحده، عمره ما يعرف معنى السعادة.