من فيلم إني راحلة
أحمد لعايدة: ياللا يا حبيبتي.. اتغطي كويس.. غمضي عنيكي.. عشان تنامي وتستريحي.. أيوة.. اسمعي الكلام.. عشان أحبك أكتر.. وأكتر.. وأكتر..

من فيلم آثار في الرمال
راجية: رسمت صورتك.
إبراهيم: صحيح؟
راجية: أيوة.
إبراهيم: ورسمتيني من الذاكرة؟
راجية: طبعًا م الذاكرة، ماتعرفش أنك مُقيم فيها؟

من فيلم آثار في الرمال
راجية: .. كمان كنت أنبسط لما أشاركهم فيك، زي ما باشركهم في الشمس والهوا، لكن دلوقتي باحس أن الشمس دي بتوَّرلي أنا لوحدي.
إبراهيم: الشمس هي اللي بتستمِد نورها منك، ومن مشاعرك.. الضوء اللي إنتي شايفاه، ده نور قلبك معكوس عليها.

من فيلم زوجة لخمسة رجال
السمنودي: من فضلك، مراتي اتسرقت، أبلَّغ مين؟
عسكري 2: سابع باب ع الشمال.
السمنودي: متشكر.
عسكري 2: يا بختك.

من فيلم آثار في الرمال
إبراهيم: (عن قصيدة شعر "ظبية البان" للشريف الرضي) "هَبَّت لَنا مِن رِياحِ الغَورِ رائِحَةٌ، بَعدَ الرُقادِ عَرَفناها بِرَيّاكِ".

من فيلم إني راحلة
أحمد: عايدة، اسمعي، إنتي بتحبيني؟
عايدة: سؤال بايخ!
أحمد: وشايفة إني جدير بيكي وأقدر أسعدِك؟
عايدة: وده أبوخ وأبوخ.. طبعًا يا أحمد.