من فيلم الرباط المقدس
محسن: الشجاعة تقتضيك أن يكون لك نصيب من الصفح، زي ما كان لك نصيب من الخطأ.

من فيلم موعد مع السعادة
ممدوح: فهمت أن الإنسان اللي يعيش لنفسه، يعيش لوحده.. وان اللي يعيش لوحده، عمره ما يعرف معنى السعادة.

من فيلم زوجة لخمسة رجال
السمنودي: من فضلك، مراتي اتسرقت، أبلَّغ مين؟
عسكري 2: سابع باب ع الشمال.
السمنودي: متشكر.
عسكري 2: يا بختك.

من فيلم إني راحلة
عايدة: أنت دايمًا مستعجل كده؟
أحمد: مش كفاية اللي فات من عمرنا؟

من فيلم آثار في الرمال
راجية: رسمت صورتك.
إبراهيم: صحيح؟
راجية: أيوة.
إبراهيم: ورسمتيني من الذاكرة؟
راجية: طبعًا م الذاكرة، ماتعرفش أنك مُقيم فيها؟

من فيلم لا أنام
نادية: ساعات، باحس أنك بعيد عني، بعيد أوي..
مصطفى: أحسن، عشان أوحشك أكتر.