سياسة اسنخدام الكوكيز

أوافق باستمرارك في استخدام موقع الدهليز، فأنت توافق على سياسة الموقع لاستخدام الكوكيز. (عرض سياسة استخدام الكوكيز)

جديد من الدهليز: يمكنك الآن تركيب وجهك على أي ميم في الموقع باستخدام الذكاء الاصطناعي. إبدأ هنا الآن.
موقع الدهليز مجاني بالكامل 100%!
تقييم الموقع
عن الدور
* قام بالدور: الفنانة نادية الجندي
* سامية شعراوي.
أقوال (11)
من فيلم ملف سامية شعراوي
سامية: (لعامل تليفونات زميل بالسنترال) باقولك إيه، من فضلك تاخد الخط أنت عشان أنا صباعي مِدوحَس.
من فيلم ملف سامية شعراوي
سامية: بلاش تتعب نفسك يا سيادة العقيد.. أنا واخدة عهد على نفسي أن ماحدش يلمسني إلا بالحلال.. كلك نظر! لو فيه حاجة تانية غير الحلال، ماكانش بقى ده حالي.
أشرف: أيوة، بس دي لمسة بريئة.
سامية: إيه؟! مين اللي قال أن فيه لمسة بريئة ولمسة مش بريئة؟! ده فيه لمسة بتخلِّف عيِّل يا سيادة العقيد.
من فيلم ملف سامية شعراوي
أشرف: إنتي باين عليكي صعبة أوي!
سامية: شوف بقى، أنا أتساهل في أي حاجة إلا نفسي. وبعدين اللي عايز يمسك النار، مش لازم يعرف من أصله كلمة "أي"، عشان أنا ناري لسعتها جامدة أوي. وبعدين أنا خسرت مرة، ماعنديش استعداد أخسر تاني.
من فيلم ملف سامية شعراوي
فؤاد: مدام سامية.. على فين؟
سامية: عايزة أقابل المدير.
فؤاد: والله النهاردة مش ممكن، أصله مشغول أوي. في الحقيقة هو مشغول طول الأسبوع.. إذا كان فيه أي حاجة، ممكن تسألي حضرتك في شئون الموظفين.
سامية: آه! في الحقيقة أن كنت عايزة أقابل المدير عشان أبلَّغُه شتيمة أبيحة شوية.. فلو سمحت سيادتك، توصَّلها لسيادته بالنيابة عني.. ممكن تقول له (تهمس في أذنه).:.
من فيلم ملف سامية شعراوي
سامية: أنت دخلت هنا إزاي؟!
أدهم بك: إحنا ندخل في أي مكان يعجبنا، في الوقت اللي يريَّحنا.
من فيلم ملف سامية شعراوي
سامية: فتحت الشنطة!
فؤاد: حب استطلاع ليس إلا!
سامية: مم.. ولقيت إيه؟
هلال: لقيت إيه؟! لقيت فيها صور عريانة، ومايوهات، وسيقان.. استغفر الله العظيم. تحتيهم بقى، لقيت اللي يفتح النفس ليهم، ويعين الواحد عليهم.
من فيلم ملف سامية شعراوي
سامية: أنا مستنياك الليلة عندي، الساعة 10.
هلال: بس أني مش متعود ع السهر يا هانم.
سامية: حاتسمر! وتلبس وتستحمى، عشان تبقى بني آدم عليك القيمة وأنت داخل بيتي.
هلال: (لنفسه) أستحمى؟! عرفت إزاي؟!
من فيلم ملف سامية شعراوي
سامية: ماحنا كلنا دلوقتي بنلعب ع المكشوف.
من فيلم ملف سامية شعراوي
هلال: إيه دِه؟! هما بقُم يبعوا الينسون في أزايز ولّا إيه؟!
سامية: باقولك إيه: خُبث الفلاحين ده مش عليَّ! خُد، اشرب.
هلال: إيه دِه؟! خمرة؟!
سامية: آه! عمرك ما شربتها؟!
هلال: مرة واحدة في ليلة دخلتي.
سامية: هاه، وحصلك إيه؟
هلال: لا أبدًا.. بدل ما أبقى آني فوق، بقيت تحت.. تحت السرير.
من فيلم ملف سامية شعراوي
سامية: مابتشربش ليه؟
هلال: لا، آني خدت رشفة كده مُجاملة لحضرتِك.. حاكم آني بصراحة مش عايز أبقى في وضع مش كويس.
من فيلم ملف سامية شعراوي
سامية: شوف يا ابن الناس، إذا كنت فاكرني غبية، تبقى حمار!
هلال: سامية هانم!
سامية: أنا مش هانم يا حبيبي! أنا هانم وقت ما أحب أكون هانم! لكن مع واحد زيَّك، أنا مستعدة أشرشَحُه.