من فيلم غريب.. في بيتي
عفاف لشحاتة: موت يا حمار.

من فيلم أميرة.. حبي أنا
عادل: الله، إنتي كنتي مروحة ولّا إيه؟
أميرة: أبدًا، ليه؟
عادل: عشان معاكي الشنطة.
أميرة: آه، أصل النهاردة أول الشهر، وبيقولوا أن الشيطان شاطر!

من فيلم حب.. في الزنزانة
فايزة: مش حايسيبونا في حالنا! الشرنوبي والحكومة وأخويا، مستكترين علينا نعيش حتى في تربة!

من فيلم غريب.. في بيتي
شحاتة: وإحنا برضه، معرفة جديمة.
عفاف: معرفة مطينة بطين!

من فيلم الاختيار
شريفة: أنا كده كويسة.
سيد: كويسة؟! يادي التعبير الفقير!

من فيلم الكرنك
زينب: ماهو عنده حق! أصلها حاجة زي الفاتورة: عشان تنجح لازم تذاكر، وعشان تذاكر لازم كتب، وعشان كتب لازم فلوس.
حلمي: الفلوس متلتلة! إذا كان كتاب شرح الميثاق باتنين جنيه، والميثاق نفسه بقرشين! يعني اللي عايز يفهم الاشتراكية لازم يكون أبوه إقطاعي.