أقوال من شخصيات: ميمي شكيب

من فيلم حدوتة مصرية
يحيى: (عن مسرحية هاملت لشكسبير) "أهكذا تنتهي الأمور؟! لم يمضي على موتهِ شهران! لا، بل أقل من شهرين!".

من فيلم دعاء الكروان
هنادي: بت يامنة، أوعي تزلفي بكلمة جدام أماي.
آمنة: إنتي فكراني صغيرة..؟! دنا أوعى منكِ!

من فيلم أنت حبيبي
ياسمينة: الحقيني يا ماما.
أم ياسمينة: يا ألف نهار مبروك، يا ألف نهار أبيض. أهو أنا دلوقتي اتطمنت، قلبي انشرح.
فريد: قلبك إنشرح ليه؟!
أم ياسمينة: من خناقكوا سوا.. الست وجوزها لما يتخانقوا مع بعض، معناها بيحبوا بعض، بيموتوا في بعض. ربنا يزيدكوا خناق.. ربنا يزيدكوا عكننة.

من فيلم دعاء الكروان
آمنة: (صوت) هادي أول مرة نفارج فيها أمنا.. كنا بنضحك والجلب مليان عويل.

من فيلم دعاء الكروان
الباشمهندس: تعرفي أن فيكي حاجة من هنادي؟
آمنة: اشبه لها؟
الباشمهندس: في طبعها.. كانت نِفَرية زيك.. بس إنتي راسك ناشفة عنها.. هنادي داخت من أول كاس.. لكن إنتي باين عليكي تدوَّخي بلد..

من فيلم حدوتة مصرية
يحيى: (معلقًا على ملابسها) معقول الأحمر ده؟!
ماجدة: مش شيوعيين يا أهبل؟!

من فيلم حدوتة مصرية
عبد الهادي: عصفور إيه؟! وطرطور إيه؟!
أحد أعضاء لجنة الرقابة: ماتشوفلك قصة تانية.
يحيى: ده أهم فيلم في حياتي.
أحد أعضاء لجنة الرقابة: على كل حال، سيادتك تاخد ده وتشوفلك طريقة فيه.
يحيى: هي دي الطريقة! ده شغل سنتين.
عبد الهادي: لا بقى! ماتتعالاش أوي ع اللجنة. هو أنت عايز تكتب على كيفك؟!
يحيى: أمال أكتب على كيفك أنت؟! أكتب أفكارك أنت؟! طبعًا لازم أكتب من خلال مخي أنا. إذا كان نفسك تكتب حاجة اتفضل اكتبها، ورد ع الأفكار اللي مش عاجباك، مش تكتمها!
عبد الهادي: بدل ما تحاول تكشف بلاوي التانيين، شوف بلاويك أنت. لو كتبت أنا، حضرتك تسيب البلد وتجري.

من فيلم دعاء الكروان
الباشمهندس: انت يا إما على نياتك أوي.. يا إما سِمَّاوية أوي.. اشربي..
آمنة: لا يا سيدي اعمل معروف!
الباشمهندس: بقولك اشربي.
آمنة: كفاية يا سيدي، أحسن أدوخ.
الباشمهندس: تدوخي.. ودي حاجة وحشة..؟! أنا كل يوم بشرب إزازة زي دي عشان أدوخ.. وانسى..
آمنة: تنسى ايه يا سيدي؟
الباشمهندس: أنسى نفسي.. أنا الانسان الوحيد اللي ما باحبش أقابله.. دايمًا متخاصمين.
آمنة: ليه؟
الباشمهندس: كل ماجي أحط راسي على المخدة: سين وجيم! ولوم!
آمنة: وليه اللوم؟ أنت بتعمل حاجة تغضب ربنا؟!
الباشمهندس: مش عن قصد.. أخطائي زي ما تقولي نوع من الهروب.. دي مسائل ما تفهميش فيها إنتي.. لكن هاكلمك عنها بردو بدل ماكلم نفسي..
آمنة: ساعات الواحد بيكلم الحيطة.. وبتهرب من إيه؟
الباشمهندس: م الوحدة.. في إيه في الريف غير الوحدة والملل؟ الأيام كلها زي بعضها.. في الصبح مرور على الجسور، وبالليل لعب الورق في النادي.. مع نفس الأصحاب.. همّا كمان الملل صابِبهم في قوالب.. عقولهم وقفت وأفكارهم اتجمدت.. زي اللي تكون مسجلة على اسطوانات.. يعيدوا النكتة الجديدة، ويضحكوا عليها من جديد.. ويكرروا الحكايات الوضيعة.. وتسليتهم الوحيدة: أن واحدة تروح، وواحدة تيجي.. تاخد دور البطولة في الحكاية الوضيعة..
آمنة: هنادي تروح وسكينة تيجي!

من فيلم نهارك سعيد
سليم الخانكاوي: أمك عايزاك يا شاطر.
نعيمة: أمك عاوزاك يا شاطر.

من فيلم دعاء الكروان
آمنة: بجى ولا واحدة منهم عجباك؟!
الباشمهندس: إللي عاجباني واحدة تانية غير دول خالص..
آمنة: جاعدة في مصر بردك؟
الباشمهندس: جاعدة في جلبي.

من فيلم دعاء الكروان
الباشمهندس: والله يا سنية فيه واحدة مطلعة عينيّ.
سنية: يا مسكين.. حب..؟
الباشمهندس: حب.. وأنا بتاع حب؟! واحدة ليَّ فيها رغبة..
سنية: طب مادام مُتَيَّم بيها كدة، ما تجوزها..
الباشمهندس: أتجوزها؟! دانا لو أقدر أمرمط بيها الأرض بعد ما أطولها، متأخرش..
سنية: وزعلان منها عشان بتحمي نفسها..؟ ولا عاوزها تسلِّم وتسلَّم.. لحد ما تبقى في يوم من الأيام واحدة زيّي!

من فيلم حدوتة مصرية
يحيى: (عن مسرحية هاملت لشكسبير): I wasted time.
أندرو: and now time wastes me.

من فيلم إسماعيل يس طرزان
محامي المرحوم: بس فاضل لسة شرط واحد لابد منه.
مراد: إيه الشرط ده يا أستاذ؟
محامي المرحوم: أن نمر يتجوز الآنسة حسنات بنت حضرتك، تنفيذًا لرغبة المرحوم.
مراد: لا، دي مسألة بسيطة جدًا جدًا.
قنديل: طبعًا.
محامي المرحوم: (يقول وهو ينظر لحسنات) والله أنا شايف أن المسألة صعبة أوي.
مراد: في دي أنا ويَّاك.. وأنت رأيك إيه؟
قنديل: والله أنا برضه رأيي أن العريس حايرفض يتجوزها.
مراد: ولا حايرفض ولا حاجة، كان عايش مع "شيتا" وكان حايتجوزها.
قنديل: أقول لك الحقيقة يا بابي.. "شيتا" أحلى من أختي بمراحل.

من فيلم دعاء الكروان
الباشمهندس: كل ما تيجي جنبي تتشطري يعني وعاملة واعية..!
آمنة: سبني يا سيدي، اعمل معروف يا سيدي!
الباشمهندس: فلفصي بقى من هنا للصبح! عرفتي بقى إني سايبك بكيفي، مش شطارة منك..! كان غيرك أشطر.. هاهاها..

من فيلم إسماعيل يس طرزان
نمر: آه! يعني طمعانين في أموالي مش في جمالي. هما البني آدمين كده؟! يا سلام! أنا لو كنت عارف أن أخلاقهم بالشكل ده، كنت فضلت في الغابة مع الوحوش يا وحوش.
أسيوية: إنت ناكر الجميل! إحنا حوِّلناك من حيوان إلى إنسان.
نمر: إنتوا عملتوا فيَّ مقلب! يا ريتني فضلت حيوان على طول، وماحدش يتحكِّم في عواطفي.
مراد: سيبك من الفلسفة الحيوانية دي.

من فيلم حدوتة مصرية
آمال: فضلت أحلم أنك تتغيَّر.
يحيى: الواحد مش عارف يبطَّل سيجارة، حايقدر يغيَّر عُقده وماضيه؟!

من فيلم دعاء الكروان
الباشمهندس: إنتي سمعتي على حاجة اسمها "الخمرة"؟
آمنة: أيوة.. اللي بيسكروا بيها..
الباشمهندس: أنا بقى بالليل باخد كاسين.. وبعد ما بشرب، جتتي مبتبقاش خالصة.. ببقى واحد تاني..
آمنة: يبقى بقى العتب مش عليك.. ع الخمرة..
الباشمهندس: أهو كده.. ما قولنا بقى مفيش داعي تترعشي.. خافي مني بس بالليل..

من فيلم دعاء الكروان
الخال: حسك عينك البنت لسانها يزلف وتتكلم.. الوبى اللي خد هنادي مش بعيد ياخد ها التانية!

من فيلم إسماعيل يس طرزان
حسنات: أنت مش عايز تحبني ليه؟!
نمر: مالياش نِفس.

من فيلم حدوتة مصرية
يحيى: قدر! يعني اللي فينا، فينا.
مهدي: لأ، مصير، ممكن يتلوي، نعجنه.
يحيى: مصيرنا نيجي ألف كيلو وننضرب.
مهدي: أنت تقع م السطح مايحصلكش خدشة، ده قدر. لكن إحنا اخترنا نيجي هنا، ده الفرق: التجربة بتحدد المصير. هما هنا اختاروا الاستقلال: "إرادة"، و"مصير".. أنهي مليون ماتوا، ده قدر.

من فيلم إسماعيل يس طرزان
حسنات: دول اللي قبلنا قالوا: "إن حبتك حية اتطوَّق بيها".
نمر: أيوة، بس حية عن حية تفترق.. ده أنتي لدعِتِك والقبر!

من فيلم الاختيار
شريفة: لو مش لاقي حاجة تقولها، ماتتكلمش أحسن! ماتدفعنيش أنا كمان إني أكذب على نفسي.

من فيلم الاختيار
محمود: أنتوا كلكوا.. أنتوا عارفين الواحد بيقابل مين في آخر الرحلة؟ رحلة حوالين العالم.. في الفضاء..
مجاميع: مين، قول لنا يا محمود.. الشيطان.
محمود: لا أقبح، أقبح م الشيطان. الواحد بيقابل نفسه!

من فيلم دعاء الكروان
آمنة: الجلب كان خالي والبال مرتاح..

من فيلم أنت حبيبي
أم ياسمينة: ولا يهمك، ماتتقهريش. الرجالة أكتر م الهمّ ع القلب.

من فيلم دعاء الكروان
آمنة: سيدي..!!
الباشمهندس: دي أسعد لحظة في حياتي.. إني شايف في عنيكي الحب.. حياتي مش غالية عليكي.. هي المهر الوحيد، اللي كان ممكن يصالحنا على بعض.

من فيلم إسماعيل يس طرزان
حسنات: آه! اتهزأت يا پاپّا.. أنا ماقدرش أعيش بعد كده يا بابا.. أنا حانتحر، أنا حاشرب فليت.

من فيلم دعاء الكروان
آمنة: ها بيدُج زي طبل علي أبو إبراهيم.
خديجة: إنتي أول مرة تشوفي بيانو؟
آمنة: واسمها البيانا.. حلوة..

من فيلم دعاء الكروان
آمنة: أصل اختي كانت في الخطر، وخدناها وروحنا البلد.
زوجة المأمور: وازيها دلوقت؟
آمنة: قابلت ربها يا ست.. قابلت ربها.

من فيلم حدوتة مصرية
يحيى: الكلام اللي حاقولهولِك دلوقتي، مايلزمكيش بأي حاجة. آمال، أنا..
آمال: يحيى، تتجوزني؟
يحيى: يخرب بيتك! سرقتي الكلمة من بُقي! كومبارس أنا بقى، ماتسيبيليش حوار أقوله!