من فيلم عودة الابن الضال
محمد: أللا باقولك إيه.. إنتي فاكرة الفيلم اللي شوفناه في المنصورة؟ المُخترع اللي عمل مخلوق علشان يخدمه.. وبعدين المخلوق اتحكِّم فيه، مش كده؟ فيلم فرانكشتاين.. شبح فرانكشتاين، فاكراه؟
رتيبة: ماله ده؟
محمد: أهو ده إنتي وطُلبة.
رتيبة: (تقول وهي تدفعه) أنا فرانكشتاين؟!

من فيلم الأرض
محمد أبو سويلم: الناس عايزة الأرض، والأرض عايزة المياه، والمياه عايزة واسطة، والواسطة عايزة سراية، والسراية عايزة طريق، والطريق عايزة نِهبة! والنِهبة الفقير، اللي هو إحنا! آدي حكايتنا، حكايتنا مع محمود بك، وأبويا وأبوه، وجده وجدي! آدي الحكاية اللي من قديم الأزل!

من فيلم إسكندرية.. ليه؟
قدري: حمار بيترافع عن حمار.

من فيلم عودة الابن الضال
محمد: أنا مخلوق للحب وبس.

من فيلم إسكندرية.. ليه؟
إبراهيم: لما أنت عارف أنك حاتخسرها.. جاي ليه؟!
قدري: تنفيسة! تنفيسة ليَّ ولك. كلمة حلوة نقولها، صحافي يلقط مننا لمحة نضيفة، قاضي تفلِت منه كلمة شجاعة.. أهي تنفيسة للكل. زمن! زمن يبرَّروا فيه أنهم يرموا البومب على دماغ ناس مالهومش دعوة الحرب خالص، وعايزني أكسبها؟! زمن بتتشوي فيه الناس في الأفران عشان لون جلدها أحمر ولّا أسمر ولّا عينيها مسبسبة، وعايزني أكسبها؟! زمن بيلمّوا فيه ولاد الناس -سن 16 و17- ويوقدوهم تحت الرمل باسم الحُريَّات الأربعة، وعايزني أكسبها؟! زمن بيكسِّبوا فيه فرد واحد 5000 جنيه في دقيقة، ويغلُّوا على التاني أجرة الترماي، وعايزني أكسبها؟!

من فيلم الأرض
محمد أبو سويلم: يا وِلداه على الفقير يا ولاد.