ليلى علوي - الدهليز
تقييم الموقع
عن الفنان
الاسم الأصلي:
ليلى أحمد علوي
تاريخ ومكان الميلاد:
04/01/1962 - القاهرة، مصر
سنوات العمل السينمائي:*
1974 - 2016
الدراسة:
* مدراس فرنسية
* بكالوريوس إدارة الأعمال، كلية التجارة، 1991
الزيجات:
منصور الجمال
الأبناء:
خالد
* بحسب البيانات المتوفرة لدى الدهليز
منوعات (4)
من أب مصري وأم يونانية.
عملت في صغرها مع أبلة فضيلة في الإذاعة، ومع ماما سميحة في التليفزيون ببرامج الأطفال.
قامت بالتمثيل منذ طفولتها.
اكتشفها نور الشريف للمسرح.
أقوال (11)
ممرض 1: ماله ده كمان؟
زينب: يعني حايكون ماله؟! عيان!
ممرض 1: عيان؟! كتَّر خير الدنيا أنه لسة عايش لغاية دلوقتي.
زينب: (محدثة نفسها عن والدها) ماهو من حقك تتمسك بالدنيا، وتبقى عايز تعيش يا آبا.. بس عشان تعيس لازم ندفع التمن! والتمن غالي أوي! كل حاجة في دنيتنا بقى لها تمن يا آبا، حتى صحة البني آدم وعمره وحياته.
زينب: عشرين ألف جنيه؟! هو لو حيلته عشرين ألف جنيه كان عِيي يا حرامية يا نَوَر؟!
زينب: لاموآخذة، الله يرحمه أبويا ليه حق ع البلد دي وعلى ناسها.. ولا يمكن أشحت عليه أبدًا.. وزي ما بياخدوا حقوقهم، يدّونا حقوقنا!
زينب: مادفنش أبويا بمال حرام أبدًا.
عيشة: نسرقلك صندوق نذور من أي جامع، وأهو مال حلال مية في المية.
زينب: كل حاجة بيتاجروا فيها! كل حاجة بيتاجروا فيها حتى الحياة والموت!
عطية: يا مدموازيل أنا ماعنديش استعداد أعمل غسيل معدة تاني!
خيرية: طب حتى طبق شوربة..
عطية: إذا كان كده معلش..
خيرية: تحب تشرب شوربة إيه؟
عطية: مياه! شوربة مياة! لا زبدة ولا سمنة ولا حاجة خالص!
عطية: .. أنا قصدي أن مش باين عليكي أنك زعلانة عشان ماكملتيش دراستك.
خيرية: وأزعل ليه بس؟ أنا طالعة لأمي بالظبط.. فلاحة.. أنت عارف أن ماما فلاحة بنت فلاح؟
عطية: أيوة عارف.
خيرية: طب إيه رأيك فيها؟
عطية: ست عظيمة.
خيرية: أهو أنا كمان بِت عظيمة.
عطية: (لنفسه) بنت مجنونة زي أبوها تمام.
سنية: يا خرابي! أعمل إيه في البت دي يا اخواتي؟! يا خوخة! خوخة! بت يا خوخة!
خيرية: أيوة يا ماما؟
سنية: إطلعي قوام دلوقتي يا بت!
خيرية: أمَّا أحمِّي الحمار.
سنية: طب واللهِ إن ماطلعتي دلوقتي لانزل أحميكي بالجردل دِه! قولتي إيه بقى؟
سنية: يا بنتي أبوكي اشترى الهدوم دي عشان تلبسيها!
خيرية: مانا حالبسهم.
سنية: إمتى إن شاء الله؟!
خيرية: يعني لما تيجي مناسبة.
سنية: لأ حاتلبسيهم بقى والنهاردة.
خيرية: يا سلام عليكي يا ماما! عوزاني ألبس فستان جديد، عشان أحمي الحمار؟!
سنية: حمار إيه با بت اللي إنتي مهتمية بيه؟! وسايبة الحمار التاني اللي قاعد في البيت؟!
خيرية: هو احنا عندنا حمار تاني في البيت.
سنية: أيوة.. عطية..
خيرية: يا سلام عليكي يا ماما! بطلي الهزار ده بقى.. عوزاني أحمي عطية كمان؟!
خيرية: ده بابا عنده ضيوف.
سنية: كام نفر يا بت؟
خيرية: اتنين.
سنية: أقولك، هاتيلي معاكي أربع تجواز فراخ، ودكر بط، ووزة، وجوزين أرانب.
خيرية: (بتهكم) حايكفوا دول بس؟!
سنية: يا بت مانا حاعمل لحمة معاهم يا بت.
جوائز (2)
تم تكريمها في مهرجانات عديدة.
تكريم مهرجان المحبة، 2002.
الشبكة الفنية
عرض الأعمال المشتركة مع