من فيلم بيت النتاش
سكر: دكر الخنفس يشوف ولاده ماشية ع الحيط، يقول يا سلام على اللولي اللي ملضوم بخيط.

من فيلم نشالة هانم
نمر: أنا اصطبحت بوش مين النهاردة؟! أنا لازم بصيت في المراية.

من فيلم إسماعيل يس في البوليس
صاحب أجزخانة الحكمة: وَنِعم الأخلاق.. والله إنَّك نبيل.
زكي: يا سلام؟! عاجباك أخلاقي أوي؟!
صاحب أجزخانة الحكمة: أوي.
زكي: طب يا أخي مادام عاجباك كنت إدِّهُولها شُكُك!
صاحب أجزخانة الحكمة: ما هو أصل..
زكي: أصل إيه؟! كل الدنيا ماشية بالفلوس! فلوس.. فلوس.. ينعل أبو..
صاحب أجزخانة الحكمة: إيه؟!
زكي: الفلوس..

من فيلم ابن حميدو
الريس حنفي: معلش يا ابن حميدو.. بكره أصلحهالكم وأخليها بارجة نفاثة!
حميدو: يباركلنا في أنفاسك يا ريس حنفي!!

من فيلم إسماعيل يس طرزان
حسنات: دول اللي قبلنا قالوا: "إن حبتك حية اتطوَّق بيها".
نمر: أيوة، بس حية عن حية تفترق.. ده أنتي لدعِتِك والقبر!

من فيلم إسماعيل يس يقابل ريا وسكينة
الحرامي: قوللي بقى، حضرتك بتشتغل إيه؟
فلفل: أنا باشتغل مونولوجيست، وحضرتك؟
الحرامي: حراميست.