من فيلم إسماعيل يس في البوليس
زكي: الفاتحة كمان مرة على روحك يا حماتي.
أم جمالات: الفاتحة عليك وعلى اللي خلِّفوك وسابوك على دي الأرض يا وبا يا عيا!

من فيلم إسماعيل يس في البوليس
صاحب أجزخانة الحكمة: وَنِعم الأخلاق.. والله إنَّك نبيل.
زكي: يا سلام؟! عاجباك أخلاقي أوي؟!
صاحب أجزخانة الحكمة: أوي.
زكي: طب يا أخي مادام عاجباك كنت إدِّهُولها شُكُك!
صاحب أجزخانة الحكمة: ما هو أصل..
زكي: أصل إيه؟! كل الدنيا ماشية بالفلوس! فلوس.. فلوس.. ينعل أبو..
صاحب أجزخانة الحكمة: إيه؟!
زكي: الفلوس..

من فيلم حرام عليك
إسماعيل: (يقول وهو يدعك السلسلة السحرية) عاوزين راجل ابن حلال يخلصنا من الفقر اللي إحنا فيه.
صوت: أنا اللي جاي أخلصكم من البؤس اللي أنتوا عايشين فيه.
إسماعيل: ابن حلال. وحضرتك تبقى مين؟ الراجل الطيب؟
صوت: لا، أنا عزرائيل.

من فيلم إسماعيل يس في البوليس
زكي: هو الواحد بيعامل الناس بأصلهم، ولّا بأصله؟

من فيلم إسماعيل يس في البوليس
سنية: معلش.. اعمل طيِّب وارميه البحر.
زكي: هو البحر مفيش مرة يحط في عينة حصوة ملح، ويرميلنا هو شوية طيِّب من عنده؟!

من فيلم إسماعيل يس يقابل ريا وسكينة
الحرامي: قوللي بقى، حضرتك بتشتغل إيه؟
فلفل: أنا باشتغل مونولوجيست، وحضرتك؟
الحرامي: حراميست.