من فيلم إسماعيل يس طرزان
نمر: آه! يعني طمعانين في أموالي مش في جمالي. هما البني آدمين كده؟! يا سلام! أنا لو كنت عارف أن أخلاقهم بالشكل ده، كنت فضلت في الغابة مع الوحوش يا وحوش.
أسيوية: إنت ناكر الجميل! إحنا حوِّلناك من حيوان إلى إنسان.
نمر: إنتوا عملتوا فيَّ مقلب! يا ريتني فضلت حيوان على طول، وماحدش يتحكِّم في عواطفي.
مراد: سيبك من الفلسفة الحيوانية دي.

من فيلم نشالة هانم
ريشة: اخرس.
نمر: أخرس؟! أيوة يا بت، حاهوشي مين؟ ده أنا أطبقك على أربعة، وأرش عليكي شوية ملح، وأكلك بلقمة واحدة. أنا متوحش، أنا من عائلة نمنم.

من فيلم إسماعيل يس في البوليس
زكي: هاها.. بحر الأذى واسع يا عطية.. سلامات.. واحشني موت.. أنا أحبك يا عطية هاها.. مسير الحي يتلاقى.. وحياة العيش والعدس، لاكون باسطك يا عطية.. إلى اللقاء.

من فيلم إسماعيل يس يقابل ريا وسكينة
الحرامي: قوللي بقى، حضرتك بتشتغل إيه؟
فلفل: أنا باشتغل مونولوجيست، وحضرتك؟
الحرامي: حراميست.

من فيلم ابن حميدو
الباز أفندي: بتبصموا ولّا بتمضوا؟
حميدو: بنبصم، بس بسيط.

من فيلم ابن حميدو
حميدو: ريس من غير مركب زي مركب من غير ريس يا ريس!