من فيلم إسماعيل يس في البوليس
صاحب أجزخانة الحكمة: وَنِعم الأخلاق.. والله إنَّك نبيل.
زكي: يا سلام؟! عاجباك أخلاقي أوي؟!
صاحب أجزخانة الحكمة: أوي.
زكي: طب يا أخي مادام عاجباك كنت إدِّهُولها شُكُك!
صاحب أجزخانة الحكمة: ما هو أصل..
زكي: أصل إيه؟! كل الدنيا ماشية بالفلوس! فلوس.. فلوس.. ينعل أبو..
صاحب أجزخانة الحكمة: إيه؟!
زكي: الفلوس..

من فيلم إسماعيل يس في البوليس
زكي: يا سلام على ذوقك الحلو.. يا سلام على كلامك اللي بينقَّط سكر.. كل سنة وإنتي طيِّبة يا حماتي..
أم جمالات: لأ!
زكي: بلاش.. سنتِك.. سودا يا حماتي.

من فيلم إسماعيل يس في البوليس
زكي: (مُحَدِّثًا ملابس جمالات) صباح الخير يا جميل.. صباح الحب يا حلو. كل سنة وإنتي طيبة يا جمالات.. أهلًا أهلًا أهلًا.. يا رب السنة الجاية نكون متجوزين بعض، وأكون أنا اترقيت بقيت باش شاويش بأربع شرايط، وساعتها يوم الوقفة زي النهاردة ناخد قُرَص ونطلع ع القرافة، ونفرا الفاتحة على روح حماتي. (تتسحَّب أم جمالات من وراء القماش وتسمع الحوار) الفاتحية.. بسم الله.. زمانها دلوقتي في الآخرة عاملة زيطة وزمباليطة، والأسبرين هناك للرُّكَب.. داهية تجحِمها مطرح ما راحت! ولية سافلة قليلة الأدب لِسانها بينقَّط سم..

من فيلم صاحبة العصمة
غزال: الله، دي ريحة جميلة أوي.
منيرة: عجبتك ريحة البارفان؟
غزال: لأ، ريحة الفراخ.

من فيلم نشالة هانم
نمر: تصدقي بالله، ماحدش خلاني عيَّطت غير حضرتك وأمينة رزق.

من فيلم إسماعيل يس في البوليس
عبد البديع: مالك؟ تعبان؟
زكي: ماشوفتش أبدًا جحش صغيَّر جارِر عربية كارُّو محمِّلة، وبينهج في مطلع؟
عبد البديع: لا، ما شوفتش.
زكي: (يشير لنفسه) اتفضل شوف.