من فيلم إني راحلة
أحمد: (عن بيت شعر للشاعر عمر ابن أبي ربيعة) "حَسَنٌ في كُلِّ عَينٌ مَنْ تَوَدُّ".

من فيلم إني راحلة
أحمد لعايدة: ياللا يا حبيبتي.. اتغطي كويس.. غمضي عنيكي.. عشان تنامي وتستريحي.. أيوة.. اسمعي الكلام.. عشان أحبك أكتر.. وأكتر.. وأكتر..

من فيلم آثار في الرمال
إبراهيم: (عن قصيدة شعر "ظبية البان" للشريف الرضي) "هَبَّت لَنا مِن رِياحِ الغَورِ رائِحَةٌ، بَعدَ الرُقادِ عَرَفناها بِرَيّاكِ".

من فيلم آثار في الرمال
إبراهيم: راجية، بصيلي..
راجية: مش عايزة أفتَّح عينيَّ.. متهيَّألي إن باحلم، وخايفة أصحى لا يروح الحلم الجميل اللي أنا فيه.
إبراهيم: الحلم الجميل اللي أنتي فيه حايفضل على طول، مش حاينتهي أبدًا.. راجية، قولي إنك بتحبيني..
راجية: لأ مش حاقول! لأن اللي عندي ده مش حب، أكتر من حب.. الواحد لما يحب حاجة، تكون غريبة عنه.. لكن أنت في دمي.. في كياني.. فهِمت أنت إيه بالنسبة لي؟
إبراهيم: أنا كمان حاسس إني ماقدرش أستغنى عنك.. حاسس أن حياتي مُستمدة منك.. من غيرك ماقدرش أعيش أبدًا..

من فيلم الرباط المقدس
سميحة: يعز عليَّ إني أكون أشجع منك.. أنا موافقة أنك تخاف، على شرط، أنك تستفيد م الخوف.. تكتب مثلًا عن لذة المغامرة.
محسن: هاها.. ابتدينا نتفلسف.
سميحة: هاها.. مش فلسفة.. أنا عارفة إني في نظرك بنت تافهة..خليني صديقتك وادرسني.. ممكن أوي تكتب قصة عظيمة عن حياة امرأة تافهة.

من فيلم زوجة لخمسة رجال
السمنودي: من فضلك، مراتي اتسرقت، أبلَّغ مين؟
عسكري 2: سابع باب ع الشمال.
السمنودي: متشكر.
عسكري 2: يا بختك.