كمال

من فيلم خرج ولم يَعُد
سنية: بالهنا والشفا يا أستاذ عطية. طبعًا أنت بقى عارف عوايدنا في البيت دِه.
عطية: طبعًا يا حاجة. الأكل ده لازم يتمسح.
كمال: مَسْح.

من فيلم خرج ولم يَعُد
سنية: عملتوا إيه يا كمال؟
كمال: حجزوه في المستشفى.
سنية: مستشفى؟! ليه؟! هو عنده إيه؟
كمال: عنده تلبُّك معوي.
سنية: وده جاله منين دِه؟! ده أكلته ضعيفة يا حبة عيني.

من فيلم خرج ولم يَعُد
كمال: إنتي الليلة دي حلوة كده ليه؟
سنية: لأ يا شيخ.
كمال: أديكي فتحتي نِفسي.. قومى هاتيلنا بقى طبق الكنافة..
سنية: طيب..
كمال: ولّا أقولك.. خليها بعدين.. بعدين يا سنية.. بعدين يا سنية..

من فيلم خرج ولم يَعُد
كمال: (لنفسه) لو كان الميكانيكية أيامنا بيكسبوا زي دلوقتي، أكيد كنت طلعت ميكانيكي.

من فيلم خرج ولم يَعُد
كمال: زمان.. كنت غاوي عربيات.
عطية: (يشير للعربة التي يستقلها كمال) حضرتك غاوي عربيات زمان.

من فيلم خرج ولم يَعُد
كمال: أنا عرفت من الحاج عوضين أنك واخد أجازة شهرين.. مصالح إيه بقى اللي وراك؟!
عطية: أنا مش واخد على عيشة الأرياف.. طول عمري واخد على عيشة القاهرة..
كمال: باردون يا أستاذ عطية، أنا مش قصدي أهينك.. أنا لما كنت في سنك كده كنت عايش في لندن وباريس ونيويورك.. صدقني.. مارتحتش غير هنا، في العزيزية.
عطية: جايز.. بس كل إنسان له طبعه..
كمال: أنا لما آخد عليك حابقى أحكيلك تاريخ حياتي. بس عايزوك تنسى حكاية نزولك مصر.
عطية: هو حضرتك محتاجني هنا في حاجة؟
كمال: أنا هنا مش ناقصني حاجة أبدًا.. إنما أحيانًا أحتاج لإنسان، ياكل معايا، أتكلم معاه.. إنسان تاني غير مراتي وبناتي.. راجل زيي زيه.. فهمت..؟
عطية: الحقيقة مش أوي!
كمال: آه.. بكرة لما تبقى في سني حاتفهم كل حاجة.. أنا كل اللي باطلبه منك تقعد معانا هنا يومين تلاتة.. دي خدمة مش حانسهالك طول عمري..
عطية: بس أنا لا باعرف أقول نُكت، ولا أحكي حكايات!
كمال: أنا مش طالِب منك تمثل لي دور "شهرزاد"! أنا عاوزك تفتحلي قلبك.. وأفتحلك قلبي..

من فيلم خرج ولم يَعُد
سنية: .. ولما يتقدملك عطية، تقبل على طول..
كمال: لا.. لا.. حاقول لأ زي كل الأبهات ما بتعمل.. وبعدين حاوافق على طول..

من فيلم خرج ولم يَعُد
سنية: أمال حاتدفع منين لعطية العربون؟
كمال: تتدبَّر.

من فيلم خرج ولم يَعُد
كمال: ماهو البني آدم مننا، أعمى! تبقى الجنة قدام عينيه، ومش شايفها!

من فيلم خرج ولم يَعُد
كمال لسنية: يا جميل أنت يا حلو.

من فيلم خرج ولم يَعُد
كمال: الأكل ده نعمة من نعم ربنا.. لذة من لذائذ الحياة الكُبرى..
عطية: أنا مش عارف الحقيقة دي كانت غايبة عني إزاي!
كمال: مش مهم تاكل غالي أو رخيص.. المهم أنك تتمتَّع بالأكل.. أنا، مستعد أعمل لك طبق فوق مدمس، أطعم وألذ من ديك رومي.

من فيلم خرج ولم يَعُد
كمال لعطية: ماحدش يقدر يكح معايا.

من فيلم خرج ولم يَعُد
كمال لعطية: أنا مفيش حد يكح معايا أبدًا.