قضية عم أحمد - 1985 - الدهليز
Cookies disclaimer

I agree By continuing to use our website you agree to our cookies policy. (click here for policy details)
باستمرارك في استخدام موقع الدهليز، فأنت توافق على سياسة الموقع لاستخدام الكوكيز. (عرض سياسة استخدام الكوكيز)

تقييم الموقع
عن الفيلم
نوع الفيلم: ألوان
المدة: 120 دقيقة
التصنيف: كوميدي - دراما
سنة الإنتاج: 1985
القصة: يسعى صاحب المنزل الثري لإنقاذ نفسه من الإفلاس، فيرفع قضية على أحمد لكي يترك منزله الذي يملكه الثري. في الوقت ذاته يتعرَّف شاب ثري على ابنة عم أحمد، وتبدأ علاقتهما في النمو بالرغم من الفارِق الاجتماعي الكبير بينهما.
سيناريو
سيناريو
إنتاج
إخراج
تمثيل
اقتباسات (21)
عم أحمد: (للقاضي) طب القوانين اللي أنت مذاكرها دي كلها، فيها قانون واحد يمنعني إني أخُش عفشة المياه؟! فيها؟! فيها؟!
عزيز المنوفي: هاتلي حتيتين نار (للشيشة).
قوطة: من عينيَّ.
عزيز المنوفي: تلاتة مش حاقبلهم. حتيتين بالعدد.
رتيبة: الواحد الحلو أبو قُصة، عامللي في الهوا قِصة، تاعِبي هواه، شاغلني معاه، تراباتاتاه.
عم أحمد: الإيد البطالة نجسة، والمُخ الفاضي متعلَّق عليه يافطة "للإيجار".
إسماعيل كومبنيشن: القرد في عين القرد غزال.
إسماعيل كومبنيشن: باقولك إيه: هو الماتش حايشتغل الساعة كام؟
النص: الساعة خمسة.
إسماعيل كومبنيشن: والأجوال حاتيجي الساعة كام؟
رتيبة: مستقبل سعيد، وملبِّس جديد، وأساور حديد.
رتيبة: جوازة هنية، ولُقمة طرية، ونفقة شهرية.
رتيبة: عزومة بسفر، مع اتنين غفر، ياكلوا زفر.
رتيبة: يا مرحبا يا مرحبا، شرفتنا وآنستنا، ألمانيا من بعد ضلمت، وإحنا اللي نور حينا.
رمزي: enchanté madame (أي: تشرَّفنا).
رتيبة: مين؟
رمزي: enchanté madame (أي: تشرَّفنا).
رتيبة: ماحنا اتعادلنا يا خويا.
رتيبة: تصدقي، بقالي ساعة ونص واقفة في الشارع، مش عارف أروَّح.
راكب: ساعة ونص إيه يا هانم؟! أنا بقالي تلات أيام راكب ومش عارف أروَّح.
عزيزة تراب: أنا المطربة الصاعدة "عزيزة تشوراب".
عم أحمد: إيه؟!
عزيزة تراب: تراب!
عم أحمد: لازم بتغني في القرافة!
عزيزة تراب: بيتك حلو أوي أوي يا أم لوزة، فيه لطشة فنية.
رتيبة: متشكرة أوي يا حبيبتي. اللطشة حاتكمل بوجودك إن شاء الله.
رتيبة: اقريها بقى.
عزيزة تراب: اقري إنتي عشان أنا خطي وحش.
رتيبة: يا شاويش الحكومة، الحقني يا شاويش، هرب مني وإزاي أقدر أعيش؟! سرق قلبي الحرامي اللي مالوش فيش، دوَّر عليه وهاته، وأنا جاهزة بالبقشيش.
عم أحمد: شغَّلوا مخكم..! ماهو أنت يابني لما تنام، وغيرك ينام، البلد حاتنام! ولّا فالحين بس تشتروا حاجات مستوردة! ده أناناس، وده شامبو بالبيض، وده شامبو بالبسطرمة. إصحوا! اصحوا! الشمس طلعت وأنتوا لسة نايمين تحت اللحاف!
مدحت: بقى تسيب بنات ألمانيا وستاتها، وجاي تحبلي واحدة م العباسية؟!
رمزي: لا لا يا مدحت، ده صنف ماشوفتوش قبل كده أبدًا.
مدحت: إيه؟ بيمشي ع الحيطة؟
رتيبة: عايز تصون العرض وتلمّه، إدِّي البت للي عينها منه.
الضابط: إنتي اسمك إيه؟
عزيزة تراب: أنا اسمي عزيزة، وحضرتك اسمك إيه؟
لقطات (24)
أخطاء (4)
بعض الألفاظ لا تَتَمَاشَى مع حركات الفم (مثل مشهد ركوب رتيبة التاكسي، ومشهد القاضي في الحكم بالقضية).
حينما تضع بطة ذراعها على حَبْل الغسيل، نلاحظ أن ذراعها أمام القماش، أما في اللقطة التالية مباشرة، نرى ذراعها خلف القماش.
حينما تمسك عزيزة تراب بملابسها أعلى رأسها، نلاحظ اختلافًا في وَضْع الملابس على ذراعيها بين اللقطة واللقطة التي تليها (الأقرب).
نرى السيجارة الموضوعة في مصنع البومب في وضع يختلف عن وضعها الأول الذي كانت عليه.
منوعات (3)
تدور الأحداث في العباسية، بالقاهرة، مصر.
نرى على القهوة مُلصق فيلم بيت القاصرات.
ينتهي الفيلم بلوحة "البداية".
صفحات مقترحة