من فيلم مراتي مدير عام
عبد القوي: بس إزاي يجيبولنا مدير عام ينقض الوضوء؟! بقى ده كلام يا ربي؟! يبقى في الشغل مدير عام واحدة ست، وفي البيت مدير عام واحدة ست!
سليمان: البيت كمان؟!
عبد القوي: أمال يعني حماتي تطلع إيه؟!
أبو المجد: إيه.. أنا باقول نقوم نصلي ركعتين لله، يرفعه مقتهُ وغضبهُ عنا!

من فيلم النوم في العسل
إلهام: معلش يا حبيبي.. يمكن تكون تعبان م الشغل..
مجدي: شغل إيه؟! مانا طول عمري باشتغل.. لا لا لا لا.. الشغل مالوش دعوة..
إلهام: طب إيه رأيك؟ نلعب شوية، نهزر شوية..؟
مجدي: يا نهار أزرق! حتى إنتي؟! ماحنا بقالنا ساعتين بنهزر وبنلعب! لا لا لا لا.. لا حول ولا قوة إلا بالله.. لا حول ولا قوة إلا بالله..
إلهام: خلاص! خلاص يا مجدي مفيش مشكلة.. إن ماكانتش النهاردة يبقى بكرة..
مجدي: هو أنا بقى يتقاللي الكلام ده؟!

من فيلم حنفي الأبهة
شريف: أهلًا يا حماتي.
حنفي الأبهة: مساء الخير يا تَانت.

من فيلم سلام يا صاحبي
مرزوق: أنا واقع م الجوع ولازم آكل عشان أعرف أشغَّل الجمجمة.

من فيلم مراتي مدير عام
عبد القوي: طالباني؟! طب لو دخلتلها، مش هاسلم عليها؟
أبو المجد: واجب برضه سيادة الوكيل.
عبد القوي: ماهو لو سلِّمت ليها هايتنقض وضويي! واد يا حنفي..
حنفي: نعم يا سيادة الوكيل؟
عبد القوي: هات القبقاب وحصَّلني على مكتب المديرة.. واستناني على الباب.. أول ما أخرج أتوضى على طول..
حنفي: وتتوضى ليه؟! أبو حنيفة قال أن اللي يسلم على ستات مايتنقضش وضووه..
عبد القوي: أحمد ابن حنبل قال يتنقض!

من فيلم حنفي الأبهة
اللواء عبد الخالق أبو العينين: يا ابني كفاية بقى!
حنفي الأبهة: أصلها دبانة رزلة أوي!
اللواء عبد الخالق أبو العينين: يا ابني اهمد، اهمد شوية! قولنا خلاص! خلاص يا ابني! خلاص اعمل معروف سيبها في حالها، ارحمها وارحمها وارحمنا!