من فيلم حنفي الأبهة
شريف: أنت بتهبب إيه في الحمام؟!
حنفي الأبهة: لا، ده أصل إيدي جات ع البتاع، فالبتاع جه ع البتاعة، فبالتاعة عملت بتاع.
شريف: بتاع إيه؟!
حنفي الأبهة: البتاع بتاع البتاع.

من فيلم اللعب مع الكبار
حسن: المصدر بتاعي ماينفعش يبقى دليل في أي قضية، يبقى دليل براءة، مش دليل إدانة!
معتصم: قصدك إيه يعني؟
حسن: يعني اللي سمعته! أنا المصدر بتاعي يبوَّظ أي قضية! هي دي المصيبة! هي دي المصيبة! في حالات كتير بيكون الالتزام بالقانون في صالح المجرم! كام جريمة رشوة خدت براءة لخطأ في الإجراءات؟! (يتوجَّه لمنظف القمامة) قول له! كام قضية مخدرات خدت براءة عشان هفوة بسيطة في محضر الضبط! وكام وكام وكام وكام؟! (ينظر لتمثال طلعت حرب) قول له يا عم طلعت! قول له! سيادة المقدم أنا المصدر بتاعي لا يمكن يكون مفيد ليك، ولا للمحكمة. أنا المصدر بتاعي حلم!
معتصم: يبقى تسمع نصيحتي.
حسن: أسمع، ماسمعش ليه؟!
معتصم: لعبتك أنت والمصدر بتاعك، مالهاش أي لازمة.
حسن: اعتبرها تسالي. تسالي!
معتصم: ماحدش يدخل قفص الأسود، ويقول ألعب معاهم شوية!
حسن: معنى كده إن أنا أرضى بالأمر الواقع!
معتصم: لأ، إرضى بالقانون بسلبياته، وفكَّر، إن كان مصدر غير قانوني، إحنا ممكن نشوف له شكل قانوني، عشان تبقى الحكاية صح.
حسن: اسأل من رجال القانون كيف نجعل من الحلم سند قانوني، يُقْبَل أمام المحاكم، ولا يُخالف نص الدستور.

من فيلم حنفي الأبهة
الرجل المدمن: مين ده؟
حنفي الأبهة: لا ماتشغلش دماغك، ده بوليس.
الرجل المدمن: خضيتني! افتكرتك بتقول بوليس!
حنفي الأبهة: والنبي أنت عسل، عسل.

من فيلم سلام يا صاحبي
مرزوق: يا نعيش عيشة فُل، يانموت احنا الكُل.

من فيلم النوم في العسل
زبون القهوة: الاحترام! مفيش غير الاحترام.
مجدي: ولا يهمك.. البلد كلها بقيت مُحترمة دلوقتي.

من فيلم رجب فوق صفيح ساخن
بلبل: قوم اغسل إيديك.
رجب: أغسل إيديَّ؟! أغسيل إيديَّ م النعمة؟! ده كباب يا خال!