من فيلم مراتي مدير عام
أبو المجد: استنى يا حضرة الوكيل، استنى!
عبد القوي: إيه يا أبو المجد، فيه إيه؟
أبو المجد: شاكك.. شاكك.. إن ده لحم خنزير!
عبد القوي: إيه؟! ده مخ!
أبو المجد: مخ خنزير!
عبد القوي: وعلى إيه؟! مادام فيها شك يغنيها ربونا.. مش ضروري.. وده إيه راخر؟!
أبو المجد: عصير خنزير راخر.

من فيلم اللعب مع الكبار
زوج المرأة في السينما: يا أستاذ.
حسن: نعم؟
الرجل: المدام.
حسن: مدام مين؟
الرجل: المدام بتاعتي!
حسن: مالها المدام بتاعتك؟
الرجل: أنت قاعد عليها!

من فيلم حنفي الأبهة
سيدة الحفل: فيه إيه يا حنفي بك أكتر من أن طبقة الأوزون تتخرِم؟! دي مسألة في منتهى الخطورة.
حنفي الأبهة: الأوزون اتخرم؟ مانتي الحق عليكي! إزاي تسبيبهم يخرموه؟! ابقي اقفلي الشبابيك وانتي خارجة، هاه؟ مين اللي خرمه؟ البلد دلوقتي بقيت أي حاجة فيها تتخرم بسهولة.

من فيلم رجب فوق صفيح ساخن
بلبل: إشرب.
رجب: أشرب إيه؟ خمرة؟! استغفر الله العظيم.
بلبل: الخمرة حرام والستات لأ؟!

من فيلم النوم في العسل
مجدي: (ينظر لشنب درويش) حلوان اتضربت!
درويش: الجهوة يا باشا.
مجدي: أنت إيه اللي حصل لشنبك؟
درويش: مش عارف والله يا باشا. أنا صحيت م النوم لجيته كده!
مجدي: طب ما حولتش، ترفعه تاني لفوق؟
درويش: حاولت كتير يا باشا! وكل ما أرفعه لفوج، يُسجُط مني لتحت.

من فيلم النوم في العسل
مجدي: اللي عايز العلاج يقول ورايا: آه! آه! آه! آه! آه! آه! آه! آه!