من فيلم النوم في العسل
مجدي: دي مصيبة سودا، ومنيلة بستين نيلة يا شحتة.

من فيلم زهايمر
محمود: وإيه الصورة دي بقى؟
منى: دي لما خدت بطولة الجمهورية.
محمود: في إيه؟
منى: في الملاكمة.
محمود: في الملاكمة، آه! وأنا غلبت ده؟!
منى: بالقاضية.
محمود: وهو عارف أن أنا غلبته؟!

من فيلم النوم في العسل
مجدي: (ينظر لشنب درويش) حلوان اتضربت!
درويش: الجهوة يا باشا.
مجدي: أنت إيه اللي حصل لشنبك؟
درويش: مش عارف والله يا باشا. أنا صحيت م النوم لجيته كده!
مجدي: طب ما حولتش، ترفعه تاني لفوق؟
درويش: حاولت كتير يا باشا! وكل ما أرفعه لفوج، يُسجُط مني لتحت.

من فيلم رجب فوق صفيح ساخن
بلبل: إشرب.
رجب: أشرب إيه؟ خمرة؟! استغفر الله العظيم.
بلبل: الخمرة حرام والستات لأ؟!

من فيلم لصوص لكن ظرفاء
حامد: كنتي عاوزة تتونسي معانا وتسلينا.
شوشو: لأ يخويا لأ! الله! الجران يقولوا إيه؟! راجلينن ظُراف، لُطاف لوحديهم، ومعاهم شابة! لا، كلام الناس كتير.
حامد: ده عين الصواب.
شوشو: ههه.. والواحدة مننا، تخاف على روحها برضه من.. الفتنة.
إسماعيل: ده صحيح، وبرضه تخافي علينا من الفتنة.. إحنا مهما كان برضه بشر.
شوشو: بتفهميني قوام يا نسناسة.

من فيلم النوم في العسل
مجدي: الدنيا حر.. أنا عايز هوا..
إلهام: حر إيه؟! ده احنا في عز البرد!
مجدي: آه صحيح.. أنا بردان.. غطيني يا إلهام.. غطيني عشان أنا باترعش.. باترعش.. هو فيه إيه؟! هاه؟ فيه إيه؟!