من فيلم اللعب مع الكبار
حسن: أنا حاحلم.

من فيلم النوم في العسل
مجدي لشيرين: لا حياء في الدين، لا حياء في الجواز، ولا حياء أمام رجال المباحث. عايز كل حاجة بالتفصيل..

من فيلم لصوص لكن ظرفاء
إسماعيل: حامد، سرقنا سوا تلات مرات، وانسجنَّا التلات مرات.

من فيلم النوم في العسل
مجدي: ولّا أنت كمان فاكر حاجة! أنت فاكر حاجة؟!
همام: لا يا باشا.
مجدي: سوق! إوعى تكون فاكر حاجة!

من فيلم حنفي الأبهة
حنفي الأبهة: أي والله، زي ما باقلكوا كده.. ع العموم أنا حابقى أديلكوا عنواني تيجوا تقضّوا عندي سنتين تلاتة أربعة..

من فيلم طيور الظلام
فتحي نوفل: الفرصة دي مش على مقاسي.. حَكِم الفرص زي الجِزَم.. لا تبقى ضيقة قوي تخليك تعرج، ولا تبقى واسعة وتخليك تِلُقّ.
علي: أيوه بس إنت كده بتدِّي ضهرك لمستقبل مضمون.
فتحي نوفل: فرصتك مالهاش مستقبل يا علي.. هاتاخد فلوس آه.. هاتاخد شهرة آه.. لكن إوعى تنسى إنك هاتكون ضد الدولة.
علي: وليه ماتقلش من الثائرين؟
فتحي نوفل: (ضاحكًا) ثائرين إيه يا علي إحنا حانهزر؟ إنت لسه قايلِّي بعضمة لسانك إن المسألة مصالح!