عبد الفتاح القصري

من فيلم سكر هانم
سكر الحليوة: إزاي تتهجم على واحدة ست؟!
المعلم شاهين الزلط (في سِره): سِت؟! أنا مش شايف قدامي أيُها سِت!
المعلم شاهين الزلط: ده أنا جنب منك أبقى مرلين مورنو.
سكر الحليوة: ليه؟! إنت عميت؟! مانتش شايف القوام؟!
المعلم شاهين الزلط: هو في الحقيقة قوام عاوز بردعة ولجام.

من فيلم سكر هانم
المعلم شاهين الزلط لفكيهة: بت يا فكيهة.. فكيهة يا بنت الوارمة، الولعة يا بنت المجعلصة! حاسبي يا بنت المبطرخة! كفاية يا بنت المكعبرة!

من فيلم ابن حميدو
الريس حنفي لتفيدة: والفلوس اللي تخش جيب الأسد، لا ممكن تطلع إلا على جتته!
تفيدة: حنفي!
الريس حنفي: مفيش حنفي! أنا قولت كلمة، وانتي عارفة أن كلمتي لا ممكن تنزل الأرض أبدًا!
تفيدة: حنفي!
الريس حنفي: خلاص، حاتنزل المرة دي! إنما اعملي حسابك المرة الجاية، مش ممكن تنزل أبدًا!".

من فيلم بين إيديك
آمال: صباح الحلويات.
مدبولي: صباح القلوب الحنينة.

من فيلم سكر هانم
المعلم شاهين الزلط: يا مرضعة كيلوباترا.

من فيلم ابن حميدو
ابن حميدو: لكن أنا سمعت أن نورماندي دي غرقت في الحرب يا ريِّس!
الريس حنفي: دِكها نورماندي وان، إنما دي نورماندي تو.