فيلم الراقصة والسياسي

Al-Raqesa Wal-Seyasy

سونيا لعبد الحميد: أينعم بتوع السياسية مكارين، لكن ربنا يكفيك مكر شر العوالم!

شفيق: مدام: إنتي عايزة إيه م الراجل ده بالظبط؟ ومن إمتى إحنا بنفتح الدفاتر القديمة؟!
سونيا: يا واد كنت فاكراك أذكى من كده! عايزة حاجات كتير.،.
شفيق: أعرفها لو سمحتي..
سونيا: باتسلى..
شفيق: دول مش بتوع تسالي!
سونيا: وحياتك أنت التسالي ما تحلوّ إلا مع دول..

سونيا: إحنا في زمن صعب وجو غريب يا شفيق.. ساعة سُخن، وساعة بارد.. لما تحصَّن نفسك بمسئول كبير، تبقى ضمنت في إيدك جهاز تكييف.. سُخن وبارد، ومُفتاحه في إيدك. فاهم؟
شفيق: فُله يا روحي.. أستاذة واللهي..

عبد الحميد: مايبقاش وشك مكشوف أوي كده!
سونيا: وأغطي وشِّي ليه وأنا كاشفة رجليَّ على طول؟!

شفيق: أيوة.. من فضلك ماتحولِّناش أي مكالمات هنا في أوضة المدام، لو سمحت.. مهما كان الشخصية اللي بتتكلم.. اللي عايز يتطمن ع المدام، يبقى ييجي يزورها بنفسه، وإلا مش عايزينه!

شفيق: مدام.. بره فيه أكتر من ميت بوكيه ورد، ده غير اللي جوه في السويت.. خدي حضرتك اتسيلي في الكروت، واعرفي أصحابها بنفسك..
سونيا: إرميهم على الأرض يا شفيق.. ودوس عليهم برجليك.. إلا ما فيه حد فيهم فكَّر ييجي يطُل عليَّ.. فيهم الكداب، وفيهم اللي خايف على نفسه.. حتى اللي حبوني، مفيش حد فيهم قال الست دي قضيت معاها إيام حلوة.. لما أروح أطُل عليها.. دوس.. دوس عليهم برجليك.. مايستاهلوش..