زهرة العلا

من فيلم دعاء الكروان
هنادي: أنا ما مستبشرة خير.. الكلام اللي جالته ضرَّابة الودع ما يطمن.
آمنة: شاغلك كلام الرمَّالة..؟! هما بتوع الودع بيعرفوا شيّ.. هم كلمتين ليكي ولغيرك.. كل راجل بين حرمتين.. وكل حرمة بين راجلين.
هنادي: لكن أنا عارفة راجليني.. اللي حايئذيني خالي.. وعارفة اللي أذاني وبيريدني..
آمنة: ربنا ينتقم منه.
هنادي: ربنا يسامحه.
آمنة: طالبة السماح؟!
هنادي: ايوة.
آمنة: لسّاكي ريداه؟
هنادي: ما جادرة أكرهه.. الود ودي أكرهه وأنساه.
آمنة: بعد كل اللي جرى..؟! أني لو منك.. -.
هنادي: - لا تكملي يا آمنة.. هييجي يوم وتعرفي الحب.

من فيلم نهر الحب
صفية: يا خاين، يا كداب، يا بصباص، يا غشاش! حمد الله ع السلامة يا نوال.
ممدوح: يا صفية إحنا متجوزين بقالنا تسع سنين عمري ما خنتك فيهم! حمد الله ع السلامة يا نوال.
صفية: واللي كنت بتعمله مع سيمون في المطبخ، إخلاص ليَّ؟!
ممدوح: لأ، خيانة. إنما خيانة واحدة في تسع سنين! ده أنا جوز مثالي! دي ماحصلتش في التاريخ!

من فيلم الرباط المقدس
سعاد: أنا شايفة الرجالة بيبحلقولنا من ورا النضارات السود.
سميحة: أمال إجوازنا جرى لهم إيه؟!

من فيلم دعاء الكروان
هنادي: بت يامنة، أوعي تزلفي بكلمة جدام أماي.
آمنة: إنتي فكراني صغيرة..؟! دنا أوعى منكِ!

من فيلم سر طاقية الإخفاء
آمال: تقدر تقول لي، إيه العمايل اللي حصلت تحت في الشارع؟
عصفور: آه! دي ضريبة المهنة يا حياتي. زي اللي مرشَّخ نفسه في الانتخابات: إيديَّ تتملَّخ م السلامات، أشرب القهوة وأنا قرفان م اللي بيقدمها، أنباس وأنا بانضرب في جنبي بالرصاص!

من فيلم الرباط المقدس
والدة حسني: مش شايف مراتك عاملة في شعرها إيه؟!
سعاد: أأ.. دي سميحة هي اللي عاملاهولي عندها في البيت.
والدة حسني: وليه؟! مش بعيد تكوني طلعتي فيها وبتروحي للمزيِّن!