من فيلم الزوجة الثانية
العطار: دى بِت ولاَّدة؛ جابت إتنين في بطن.
عتمان: عجيبة يا دنيا.. اللى مامعهوش قرش، يجيله كل سنه كِرش..!

من فيلم العصفور
اللواء إسماعيل: وأنت فلاحتك دي حاتوصلك إليه؟!
يوسف: الحقيقة. أظن كده.
اللواء إسماعيل: للسجن تاني!
يوسف: على العموم الحقيقة لازم يكون لها تمن.

من فيلم العصفور
عسكري: لا موآخذة، عندي أوامر أنك ماتنزلش!
اللواء إسماعيل: من مصلحتك يا يوسف أفضَّل تعتبر نفسك تحت الرقابة!
يوسف: بأي حق؟!
اللواء إسماعيل: المصلحة العامة.

من فيلم العصفور
اللواء إسماعيل: رؤوف من الناس اللي بتحلم، واللي بيحلموا دول، مايوصلوش لأي حاجة!

من فيلم الزوجة الثانية
عتمان: الكلام اللى بتقوله نظيرة صدق؟
فاطمة: ليه؟ لهو أنت مش دريان بنفسك!
عتمان: ماحصلش.
فاطمة: أهو حصل.
عتمان: من إمتى؟
فاطمة: إسأل نظيرة.
عتمان: مِن مين؟
فاطمة: من جوزي.
عتمان: جوزك؟!
فاطمة: يمين بالله العظيم جوزي.
عتمان: آني يا بِت؟!
فاطمة: طب هو أنت جوزي؟! آني مرات أبو العلا.
عتمان: يا فاجرة!
فاطمة: آني لو كنت فاجرة، كنت بقيت مراتك ولو لليلة واحدة.
عتمان: آني هاأدبحك!
فاطمة: وهاتقول للناس إيه؟ دبحتهِه عشان جابت لى الواد؟!
عتمان: مش ابني.
فاطمة: كَدِّبنى قدام أهل البلد. قولهم إن ده ابن أبو العلا وإن..
عتمان: إخرسي إخرسي. إنتي لازم تشوفيلك حَلْ في الواد ده!
فاطمة: أما تعلقلي حبل المشنقة.