من فيلم إسماعيل يس في البوليس
زكي: وموديهم فين إن شاء الله؟
رشدي: آ.. الجنينة.
أم جمالات: جنينة الحيوانات.
زكي: أكبر أذيَّة ليكي! حايحوشوكي هناك.
أم جمالات: لنا ربنا يقدرك وتشتري مراية، حاتعرف مين اللي حايحوشوه هناك.
رشدي: ماتتفضَّل معانا يا سي زكي، أهو تتفرَّج.
زكي: أتفرَّج على إيه يا راجل؟! ماهم كل يوم معايا هنا.

من فيلم إسماعيل يس يقابل ريا وسكينة
فلفل: طب وتغيَّري ليه، مانتي كويس كده.

من فيلم حرام عليك
إسماعيل: طب، البسها كده وريهالي؟
عبد الفتاح: إشمعنى؟
إسماعيل: إلبسها كده وريني! بشرف والدتي أنت شكلك كده أحلى.

من فيلم إسماعيل يس في البوليس
أم جمالات: (عن جمالات) ده أنا أجوِّزها لسيد سيدك!
زكي: اسمعي أمَّا أقول لك.. مافيش غير واحد بس، اللي اتجوِّز بنت لها أم زيك.
أم جمالات: هو مين ده؟
زكي: (يأخذ من الجردل ويشير إليه) داهو!

من فيلم ابن حميدو
حميدو: تطلع إيه دي يا باز أفندي؟
الباز أفندي: ولا أعرفه!
حميدو: تكونشي شوكلاتة؟

من فيلم إسماعيل يس في البوليس
عبد البديع: مالك؟ تعبان؟
زكي: ماشوفتش أبدًا جحش صغيَّر جارِر عربية كارُّو محمِّلة، وبينهج في مطلع؟
عبد البديع: لا، ما شوفتش.
زكي: (يشير لنفسه) اتفضل شوف.