من فيلم قضية عم أحمد
مدحت: بقى تسيب بنات ألمانيا وستاتها، وجاي تحبلي واحدة م العباسية؟!
رمزي: لا لا يا مدحت، ده صنف ماشوفتوش قبل كده أبدًا.
مدحت: إيه؟ بيمشي ع الحيطة؟

من فيلم حنفي الأبهة
شريف: أنت بتهبب إيه في الحمام؟!
حنفي الأبهة: لا، ده أصل إيدي جات ع البتاع، فالبتاع جه ع البتاعة، فبالتاعة عملت بتاع.
شريف: بتاع إيه؟!
حنفي الأبهة: البتاع بتاع البتاع.

من فيلم قضية عم أحمد
رمزي: enchanté madame (أي: تشرَّفنا).
رتيبة: ماحنا اتعادلنا يا خويا.

من فيلم حنفي الأبهة
زوج الزوجة الساقطة: يعني مفيش حريقة جوه بيتي ولا حاجة!
حنفي الأبهة: إزاي؟! الست كات حاتولَّع جوه! لا إله إلا الله.
شريف: باقولك إيه: الحق طفّيها.
الزوجة الساقطة: خلاص يا معلم، طفَّاها.

من فيلم ملف سامية شعراوي
هلال: إيه اللي أنت عملته ده يا أشرف؟! مراتك عندها خبر؟
أشرف: جرى لك إيه يا هلال؟! حاتفضل طول عمرك ترباس؟!

من فيلم قضية عم أحمد
رمزي: enchanté madame (أي: تشرَّفنا).
رتيبة: مين؟

من فيلم حنفي الأبهة
حنفي الأبهة: أنا كنت فاكرك راكب مرشيدس!
شريف: أنا لا حرامي ولا مُرتشي!
حنفي الأبهة: ومش ندمان؟

من فيلم حنفي الأبهة
عبلة: حارمني من أبسط شيء وأهم شيء تتمناه أي ست.
شريف: مش فاهم.
عبلة: حارمني من الخِلفة!
شريف: وأنا قولتلك ماتخلفيش؟!
عبلة: وأنا أخلِّف إزاي؟ بالمراسلة؟!