من فيلم النوم في العسل
مجدي: هو يوم منيل بستين نيلة!

من فيلم اللعب مع الكبار
حسن: أنا حاحلم.

من فيلم النوم في العسل
مجدي: آه طبعًا، المسئولية بتهد الحيل.. مش كده برضه يا باشا؟
مدير الأمن: مجدي! قولتلك إلزم حدودك!

من فيلم اللعب مع الكبار
علي: مالك يا حسن؟
حسن: أنا حسن بهنسي بهلول، أنا المسكين في هذا الزمان، أنا المُحاط بالأوهام. أنا الذي إذا جاع نام، أنا المخدوع بالكلام! أنا اتسرقت يا علي! اتسرقت يا علي! اتسرقت!
علي: اتسرقنا بكل الأشكال يا حسن.
حسن: كويس أن أبو الهول والأهرام لسة ماتسرقوش.
علي: عشان دي حجارة يا حسن!
حسن: هو لازم كل حاجة في بلادنا تبقى حجارة عشان ماتتسرقش يا علي؟! حتى الحب وروحه الحلوة اتسرقوا يا علي! وآخرتها يا علي؟! آخرتها إيه يا علي؟!

من فيلم حنفي الأبهة
حنفي الأبهة: أنا ليَّ ابن خالتي، مرة اتخرم منه الأوزون، كنا صغيرين، كَل ضرب يا عيني؟! كات أمه بقى مربية أوزون فوق السطوح، خرم هو الأوزون من غير أبوه ما يعرف، أبوه جِه م الشغل لقى الأوزون مخروم، كَلُه علقة!

من فيلم طيور الظلام
فتحي نوفل: الفرصة دي مش على مقاسي.. حَكِم الفرص زي الجِزَم.. لا تبقى ضيقة قوي تخليك تعرج، ولا تبقى واسعة وتخليك تِلُقّ.
علي: أيوه بس إنت كده بتدِّي ضهرك لمستقبل مضمون.
فتحي نوفل: فرصتك مالهاش مستقبل يا علي.. هاتاخد فلوس آه.. هاتاخد شهرة آه.. لكن إوعى تنسى إنك هاتكون ضد الدولة.
علي: وليه ماتقلش من الثائرين؟
فتحي نوفل: (ضاحكًا) ثائرين إيه يا علي إحنا حانهزر؟ إنت لسه قايلِّي بعضمة لسانك إن المسألة مصالح!