من فيلم حنفي الأبهة
حنفي الأبهة: أنا كنت فاكرك راكب مرشيدس!
شريف: أنا لا حرامي ولا مُرتشي!
حنفي الأبهة: ومش ندمان؟

من فيلم طيور الظلام
فتحي نوفل: أنا زيك بالظبط.. مستني الفرصة.. بس الفرصة اللي على مقاسي.. وحاتيجي..

من فيلم حنفي الأبهة
الرجل المدمن: مين ده؟
حنفي الأبهة: لا ماتشغلش دماغك، ده بوليس.
الرجل المدمن: خضيتني! افتكرتك بتقول بوليس!
حنفي الأبهة: والنبي أنت عسل، عسل.

من فيلم اللعب مع الكبار
حسن: المصدر بتاعي ماينفعش يبقى دليل في أي قضية، يبقى دليل براءة، مش دليل إدانة!
معتصم: قصدك إيه يعني؟
حسن: يعني اللي سمعته! أنا المصدر بتاعي يبوَّظ أي قضية! هي دي المصيبة! هي دي المصيبة! في حالات كتير بيكون الالتزام بالقانون في صالح المجرم! كام جريمة رشوة خدت براءة لخطأ في الإجراءات؟! (يتوجَّه لمنظف القمامة) قول له! كام قضية مخدرات خدت براءة عشان هفوة بسيطة في محضر الضبط! وكام وكام وكام وكام؟! (ينظر لتمثال طلعت حرب) قول له يا عم طلعت! قول له! سيادة المقدم أنا المصدر بتاعي لا يمكن يكون مفيد ليك، ولا للمحكمة. أنا المصدر بتاعي حلم!
معتصم: يبقى تسمع نصيحتي.
حسن: أسمع، ماسمعش ليه؟!
معتصم: لعبتك أنت والمصدر بتاعك، مالهاش أي لازمة.
حسن: اعتبرها تسالي. تسالي!
معتصم: ماحدش يدخل قفص الأسود، ويقول ألعب معاهم شوية!
حسن: معنى كده إن أنا أرضى بالأمر الواقع!
معتصم: لأ، إرضى بالقانون بسلبياته، وفكَّر، إن كان مصدر غير قانوني، إحنا ممكن نشوف له شكل قانوني، عشان تبقى الحكاية صح.
حسن: اسأل من رجال القانون كيف نجعل من الحلم سند قانوني، يُقْبَل أمام المحاكم، ولا يُخالف نص الدستور.

من فيلم لصوص لكن ظرفاء
إسماعيل: حامد، سرقنا سوا تلات مرات، وانسجنَّا التلات مرات.

من فيلم مراتي مدير عام
أبو المجد: إزاي بقى يبقى "الرِّجَالُ قَوَّامُونَ عَلَى النِّسَاء"، إذا كان اللي بيدي الأوامر.. واحد نساء؟!