فيلم الزوجة الثانية

Al-Zouga Al-Thaneya

أبو العلا: إيه الكلام ده يا عمدة؟
عتمان: ده مش كلام يا أبو العلا.. ده أمر!
أبو العلا: في شرع مين؟!
مبروك: "وأطيعوا الله وأطيعوا الرسول وأولي الأمر منكم".
أبو العلا: آني أطلق مرتي!! ليه؟!

الشيخ مبروك: أنا مش حذَّرتك؟ أديك قولت للمركز، خَد بكلامك؟ ماتعصلجش يا أبو العلا.. انطاع يا ابني.. داحنا غلابة.. والله لما ندَّن على مدنى ماحد يسمعنا.. الأكابر بس هما اللي بيتسمع كلامهم.. هما اللي يأمروا، واحنا اللي ننفذ.. وأطيعوا الله..-.
أبو العلا: - يا راجل يا كافر! يا عديم الدين!

عتمان: إيه رأيك يا شيخ عطوة؟ ما تعقد لي على فاطمة بالمرة. الشهود أهم والوكيل أهوه.
المأذون: هذا لا يجوز يا حضرة العمدة.
مبروك: وإيه عدم جوازه؟!
المأذون: لا بُد أن تُوفي شهور العدة. ثلاثة أشهر قمرية.
عتمان: بسيطة! أنت جيت في جمل؟ التلات تُشْهُر فاتوا وعدوا. الدفاتر بتاعتنا. والتواريخ في إيدينا. حد هايحاسبنا؟
خفير: إعقد يا راجل إعقد..
مبروك: إعقد يا شيخ عطوة إعقد. "وأطيعوا الله وأطيعوا الرسول وأولي الأمر منكم".
المأذون: يجوز.

حفيظة: إلا قوللي يا عتمان.. إنت بتعزني زَي أني ما باعِزك؟
عتمان: ودىَ بدها قول؟!
حفيظة: زي زمان يا عتمان؟
عتمان: وأكتر كمان. كل ما بتقدمي بتتصبي وتحلوّي!
حفيظة: فاكر ليلة دُخلتنا؟
عتمان: يا سلام؟ دىَ كانت ليلة.. إنتي عايزة حاجة؟
حفيظة: كانت أحلى من دي.
عتمان: مليون مرة. إنتي عايزة إيه مني؟
حفيظة: آني عايزاك تبات هنا.
عتمان: هنا؟!
حفيظة: مش بتقول إنك بتعزني؟
عتمان: إنتى إتهبلتى؟!
حفيظة: هو ده مش من حقي؟
عتمان: لا مش من حقك!
حفيظة: ليه يا راجل.. إنت بتزعق فيَّ؟!
عتمان: أيوه وأضربك بِالبُلغة!

حفيظة: إخص عليك راجل يا طفس. في الزريبة يا شايب؟! مش قادر تستنى لما يتقفل عليكوا باب. (تبصق).

عتمان: إيه ده؟!
فاطمة: عشان عروسة.
عتمان: كل ده؟! بط ووز وفراخ وحمام؟!
فاطمة: إيه يا عمدة؟ خسارة فيَّ؟!
عتمان: لأ. خسارة ليَّ!