فيلم حديد - 2014 - الدهليز
Cookies disclaimer

I agree By continuing to use our website you agree to our cookies policy. (click here for policy details)
باستمرارك في استخدام موقع الدهليز، فأنت توافق على سياسة الموقع لاستخدام الكوكيز. (عرض سياسة استخدام الكوكيز)

تقييم الموقع
عن الفيلم
نوع الفيلم: ألوان
المدة: 98 دقيقة
التصنيف: جريمة - دراما - إثارة
سنة الإنتاج: 2014
القصة: يُسْجَن حديد فيتعايش مع السجن ويسيطر عليه، إلى أن يأتي أحد المساجين من كبار رجال الأعمال، كما يُسْجَن شاهد في قضية الرجل، فيُطْلَب من حديد قتل الشاهد، ويبدأ في السعي لمعرفة ما وراءه.
سيناريو
تمثيل
اقتباسات (24)
حديد: اللي مايخافشي من ربنا، حديد يعلِّمه التوبة.
حديد للعقيد هلال: إخصي عليك يا باشا! إخصي عليك.
مسجون 1: ده الشيطان شاطر.
بطشة: دي إشاعة على فكرة. أمال مش شايف شطارته معايا ليه؟!
حديد: آه.. يا مستني السمنة من بطن النملة.
بطشة لسوكولانة: (حينما يضرب سوكولانة متهم جديد في منقطة حساسة) لأّ! بلاش هنا يا سوكولانة لاتبوَّظهولي.
حديد: هو ده آخري، وباجي واخري.
بطشة: ماينفعش أنا أعمل عروسة؟
ضابط 1: إيه ياد اللي في وشك ده؟!
طالوش: تسلخات يا باشا.
العقيد هلال: ده، جواب نهائي؟
حديد: جواب نهائي.
حديد: إحكي، ماتسحبش كهربا كتير!
هيستيري: القوانين قوانيني، وأغيرها حسب تفانيني.
حديد: يا أهلًا بالجراح.
نادية: مش عارفة أنا باحبك ليه!
حديد: عشان حمارة.
حديد: أنا جايلك في الكلام يا باشا.
ماجد الحريري: تعالى.
ماجد الحريري: ما كان زمانك خلصت مدتك وخرجت.
حديد: مش عايز أخرج! كرهت الدنيا باللي فيها.
ماجد الحريري: عندك حق. السجن يا عمَّار خلَّاك تشوف بعين واحدة، أكتر بكتير م اللي شوفته بعينيك الاتنين.
ماجد الحريري: (بتصنُّع) طب بس بس، وحياة أبوك، ماتوجعش قلبي، أنا اللي فيَّ مكفيني.
حديد: خُش في بُق الموضوع.
حديد: أنت حاتشخلل دماغي ليه؟! ماتبعتر كلامك عشان ألمُّه وراك.
ماجد الحريري: ضربة الخايف، أقوى بكتير من ضربة الظالم.
رؤوف: امسك، تابلوه العربية فيه سلاح وفلوس، وشريطين ترامادول.
حديد: ومالك بتقولها وأنت فرحان كده؟
حديد لنادين: مابعتكيش وأنتي على ورقة بخمسين جنيه (يقصد الصورة التي رسمها)، دلوقتي أنتي ماتساويش الخمسين جنيه! إمشي! إمشي.
حديد: (يمسك حمالة صدر) يا خسارة فاضي.
ميادة: يخرب بيتك! إيه المكان يا خويا الضلمة التي أنت جايبني فيه ده! لأ، لأ! أوعى تفهمني غلط! ده أنا لسة بنت بنوت. ماتنوَّرلنا لنضة.. عايزة أشوفك وتشوفني.. طب تعالى.. حاكم أنا مابمشيش إلا لما يكون معايا غيارين.. تعالى نقي حاجة.. ماحدش ضامن الظروف. الجون بييجي في ثانية.
لقطات (32)
أخطاء (5)
جميع الأسماء المذكور فيها اسم "زكي" مكتوبة في التترات "ذكي".
حينما ينظف د. جميل حوائط سيراميك السجن، نلاحظ أنها مجرد ديكور وليس مكان فعلي، حيث يتحرَّك الحائط وهو ينظفه.
حينما يصفع مهدي الحجار حديد نراه يبصق ما في فمه بوضوح (كأنه من وَقْع الصفعة).
حينما يضرب حديد هيستيري في العنبر المنفرد، نرى الدماء على وجهه حتى أنفه، ولكن في اللقطة التالية (الأبعد) نرى الدماء أسفل عينيه ولم تنزل بعد لأنفه.
تسير نادين ناحية الباب بعدما يعطيها حديد الورق الذي أخذه من مهدي الحجار وهي تنظر فيه وتمسكه للأمام، ولكن في اللقطة التالية (من ظهرها) نراها تضع الورق على صدرها.
منوعات (6)
في التتر الأخير كُتِب: "رفضت نقابة المهن السينمائية المصرية وضع اسمي كمخرج لهذا العمل، ولأن السينما وثيقة تتجاوَز الحاضر بكل ما فيه من نِزاعات، فقرَّرنا احترام القرار وتوثيقه. محمد السبكي".
يظهر المنتج محمد السبكي بشخصه كأحد المتهمين في لقطة كاميو cameo، حيث يسأله الضابط: "جاي في إيه يا سبكي"، فيرد عليه: "حلاوة روح"، في تلميح عن القضية التي رُفِعَت عليه بسبب فيلم حلاوة روح.
هيثم وحديد في عنبر 15.
حديد تم تربيته في دار الأيتام بالسيدة زينب.
القضية التي دخل بها حديد السجن مدتها ثلاثة سنوات، ولكن بسبب مشاكله في السجن قضى تسعة سنوات.
رقم سيارة حديد التي أخذها من رؤوف: 6437 ع هـ.
رأي الدهليز
أصوات الضربات واللكمات مصطنعة مثل الأفلام القديمة. مشاهد العنف والإهانة قوية ومتكررة. الموسيقى التصويرية جيدة. أداء الفنان عمرو سعد يبدو مصطنعًا. لا يوجد توافق في المشاهد بين الفنان عمرو سعد والفنانة درة.
صفحات مقترحة