سلوى

من فيلم أنا وأنت.. وساعات السفر
سلوى: اسمع، إيه رأيك: ماحدش فينا يكدب ع التاني في أي حاجة، سواء كانت مهمة أو تافهة. ماحدش يقول غير الحقيقة، لمدة ساعتين ونص. وبعد ما نوصل، كل واحد حُر.

من فيلم أنا وأنت.. وساعات السفر
سلوى: تفتِكِر الحُب بيموت؟
عزت: الحب كائن حيّ.. بيمرض، وبيصاب بالعَجَز والشيخوخة.. ممكن يتجنِّن كمان.
سلوى: تفتكر حبنا مات؟!
عزت: يا سلوى الحب ده مابيتعلِّبش جوه عِلَب.. ماهواش سردين ولّا زيتون أخضر، تحطيه جوه بطرمان وتقفلي عليه!

من فيلم أنا وأنت.. وساعات السفر
عزت: أنا عايز أقول لك على حاجة مهمة أوي: أنا رأيي أن الضحك زي البُكا بالظبط.. الاتنين شعور إنساني.. إحساس جيَّاش.. فيه ناس سعادتها في البُكا زي سعادتها في الضحك.. أنا من الناس دي.. إنتي مابتشوفيش الأطفال وهما بيعيَّطوا ويضحكوا في نفس اللحظة؟ ليه؟
سلوى: ليه؟
عزت: عشان جوَّاهم براءة.. فهمتي؟

من فيلم أنا وأنت.. وساعات السفر
سلوى: هه هه هه.. عزت..
عزت: مم؟
سلوى: شايفاك بِتْدُور حوالين نفسك زي البقرة دي.. الفرق: أن هي عينيها مِغَميَّة، وأنت لأ.
عزت: وافرض؟! بشرط أن يكون دوراني مفيد، زي دوران البقرة دي.. بتطلَّع مياه عشان تروي الزرع. فيه ناس دورانهم مالوش أيّ فايدة، لا لنفسهم، ولا لغيرهم.